1 Abhakorinto 9:26 - Eriiraghano Eriihë

²⁶ Gho ghiri iyo eni nteekoyaara kinya omooto uno akoyaara ataanyi ne kebhune, wiiki nteekurööna kinya omooto uno akurëkëra ebhekundi bhoowa.

1 Abhakorinto 9:26 ပူးပေါင်းရင်းမြစ်များ

Mataayo 11:12

Korwera mo‑chaasiko chino Yohana Omubhatisaachi are araraghani mbagha reero, obhutëmi bho Mwishaaro mbabhusöhëriire gho changuru. Nabho bhano bhaanyi na changuru, mbaghusaki kobhusara gho changuru.

Ruuka 13:24

“Mwiköngʼi bhoose ghusöha gho kohetera ekehita egheghute. ˆNekabhabhoorera kubha, abhaato bhaaru mbaghusaki ghusöha, amare bhataaghotora.

1 Abhakorinto 14:9

Hangʼu keenyi na ghokoonyu. Aribha moghosiikëra amangʼana ghano ghataakumënyu, n‑niwe uno aghotora kumënya kino mokobhugha? Hayo, ghano moghosiikëra ngaakubha gharaheta no obhukama.

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

2 Abhakorinto 5:8

Hëënë ntoonyi ne eriitëngʼërö, wiiki ntokorighi n‑ngʼoni ntongatighiri emebhere ghino, toghi ghwikara no Omutëmi.

Abhagharatiya 2:2

꞉Neetiiriri ghuye Yerusareemu kwo riibhagha riyo, gho kubha Eryobha ndeere rehunyuriire kubha, neghi nitëmëërane kibhacho na abhakangati bha riikanisa, nebhabhoorere abhakangati bhayo ighoro e Ngʼana Anchömu ino neere neraraghaneri abhaato bha matöngö. ꞉Nyëëndiri kobhabhoorera ghayo, kubha emeremo ghino neere neraköra na ghino nguköra ghetaacha kubha ghe bhoowa.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Abhabhiribhi 1:21

Ghokoone eni obhuhöru n‑gho Kirisito. Wiiki neraku, ghoku koone n‑obhwëra.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 2:5

Koru omooto uno aghokinda mo‑riibhina, taaghotora kuhaabhu atuho e bhokindi, araanga ghotereera amëërëkërëri gha riibhina.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

2 Bheetero 1:10

Mbe, abhahiiri bhaane, mwiköngʼi chwee kwërëki kubha Eryobha ndebhabherekiire na kobhaahura. Aribha eriimanya reenyu hangʼu reenyi, motaakobhora naabha.