1 Abhakorinto 9:23 - Eriiraghano Eriihë

²³ Neghuköra ghayo ghoose gho ghiri e Ngʼana Anchömu kubha nisange na abhande mo‑rubhango rooche.

1 Abhakorinto 9:23 ပူးပေါင်းရင်းမြစ်များ

Maariko 8:35

Gho ghayo omooto uno akwënda kobhuhöni obhuhöru bhooche, nakobhori obhuhöru bho miishe ghyose. Mahëënë wuure akoruusi obhuhöru bhooche gho ghiri yaane na gho ghiri e Ngʼana Anchömu, nakobhotoori.

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

1 Abhakorinto 9:22

Kwo bhano bhataamara bhaköngʼëri mo‑bhokumi, neere kinya uno ataamara aköngʼëri mo‑bhokumi kubha nebhatoori bhamokumi Kirisito. ꞉Niiköriri ghoose kwo bhaato bhoose, kubha gho nchëra yoyoose yiire, nebhatoori nangabha abhamu ghate yaabho.

1 Abhakorinto 9:24

Moteeche kubha abhaato bhano bhaghosirisinchana koyaara, bhoose mbakoyaara, amare uno akubhöna atuho n‑umu hangʼu? Ibheere mwiköngʼi koyaara, kubha mubhönë atuho.

2 Abhakorinto 2:4

꞉Neebhaandëkiire anyaarubha yiire kwo nyaako ihaari na gho kwirighora mo‑motema waane, wiiki gho changishori chaaru. Ekebhune keene ghetaare kubha mubhe na amacheeche, amare neere nërëënda mumënyë kinya obhosiighi bhoone bhoonyi bhwaru ghokoonyu.

Abhagharatiya 2:5

Amare totiishereriini nabho koru hasuuhu. Ntuköriri hangʼu kubha tochonge obhuhëënë bho Ngʼana Anchömu bhusaaghe na niinyu chaasiko choose.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

2 Timotewo 2:6

Wiiki, omoremi uno aghwiköngʼi mwirema, uyo nakurëngʼaanera kubhöna omunöghö o mumbërë.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.