1 Abhakorinto 9:22 - Eriiraghano Eriihë

²² Kwo bhano bhataamara bhaköngʼëri mo‑bhokumi, neere kinya uno ataamara aköngʼëri mo‑bhokumi kubha nebhatoori bhamokumi Kirisito. ꞉Niiköriri ghoose kwo bhaato bhoose, kubha gho nchëra yoyoose yiire, nebhatoori nangabha abhamu ghate yaabho.

1 Abhakorinto 9:22 ပူးပေါင်းရင်းမြစ်များ

Abharuumi 11:14

gho nchëra yoyoose yiire, nebhakörë Abhiisiraeri abhaghëndi bhaane bhabhe na amiigha gha kubhöna obhotoori kinya bhuno inyu mobhwine, kubha abhamu ghate yaabho bhatooribhu.

Abharuumi 14:1

Momughënëhi omokumi mughëndi waanyu uno ataamara aköngʼëri mo‑bhokumi bhooche. Motahakaana nawe ighoro e miihëëbhö ghaache gharaanga koghwana na ghaghaanyu.

Abharuumi 14:2

Omooto uno aköngʼiiri mo‑bhokumi, nakorighi kubha naghotora kurë ghyokyose kiire. Amare owonde uno ataamara aköngʼëri mo‑bhokumi bhooche, naghwituuri kubha naghwisherereru kurë chaanyi echeene.

Abharuumi 15:1

Mbe, itu bhano tuköngʼiiri mo‑bhokumi bhwito, ntokwëndëru ghoghumereri abhaghëndi bhiito bhano bhataamara bhaköngʼëri mo‑bhokumi bhoobho. Tobhasakëri mo‑bhutöbhu bhoobho, na totaköra amangʼana ghano ghaghotuchömëri itu bheene.

Abharuumi 15:2

Omooto woose ghate yiito, iköngʼi ghuköra ghano ghakomotegheri omokumi omughëndi waache, kwo mangʼana amachömu, kubha obhokumi bho uno ataamara aköngʼëri bhuköngʼë.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 7:16

Iye omukari omokumi, toghotora kumënya! Hamu omosubhe waacho naghotora komokumi Kirisito gho ghiri e bhokumi bhoocho. Hamu na niiye omosubhe omokumi, toghotora kumënya! Hamu omukari waacho naghotora komokumi Kirisito gho ghiri e bhokumi bhoocho.

1 Abhakorinto 8:13

Gho ghayo, aribha ekiinyakurë kino neekurë, ngeghughëri omokumi omughëndi waane akörë amasari, nteekurë koru hasuuhu ekiinyakurë kenga kiyo, kubha netaacha ghuköra omokumi omughëndi waane akörë amasari.

1 Abhakorinto 9:19

Eni nteenyi omusësë o mooto wowoose, huuru neenyi. Amare ꞉niitooriri kubha omusësë o bhaato bhoose, kubha nebhatoori abhaato bhaaru bhamokumi Kirisito.

1 Abhakorinto 9:23

Neghuköra ghayo ghoose gho ghiri e Ngʼana Anchömu kubha nisange na abhande mo‑rubhango rooche.

2 Abhakorinto 11:29

Aribha omokumi wowoose abhoriri changuru, na neeni nekwiyoghu kobhori changuru. Aribha omokumi wowoose bhamorumeeriri, na neeni nekunyahaarëka.

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.