1 Abhakorinto 9:16 - Eriiraghano Eriihë

¹⁶ Eni nteekurëngʼaanera kwihacha gho ghiri e kuraghani Angʼana Anchömu, gho kubha emeremo ghiyo nighyo niragheriiru ghuköra. Wiiki horeera nekorighi eni aribha neraanga kuraghani Angʼana iyo Anchömu.

1 Abhakorinto 9:16 ပူးပေါင်းရင်းမြစ်များ

Mataayo 25:16

“Hayo hayo, omusësë uno ahaabhuru chataranta ishaano, aghaye nacho mo‑bhosorocha na kubhöna obhwëra bho chende ishaano.

Ruuka 9:62

Yesu akamobhoorera akabhugha, “Omooto wowoose uno amariri ghughööta eriishërë korema, amare ishoorori kumööhi anyuma, uyo taakurëngʼaanera kubha omutamishi mo‑bhutëmi bho Ryobha.”

Amaköri gha Bhatomu 4:20

Itu totaaghotora ghotigha ghosiikëra ighoro e mangʼana ghano torooche na ghoghooghu!”

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Amaköri gha Bhatomu 9:6

Ibheere, imeerera! Oghi mo‑moghya, iyo nokobhooreru ghano okwëndëru ghuköra.”

Abharuumi 1:14

Eryobha ndihatëkiri nibhe neraraghani Angʼana Anchömu kwo bhaato bhoose, kwo Bhayunaani na kwo bhano bhataanyi Abhayunaani, na kwo bhasömi na kwo bhano bhatasömiri.

Abharuumi 15:17

Ibheere, hano nekorihökëri Eryobha gho changuru che Kirisito Yesu hangʼu, nekwihachera obhutamishi bhuyo.

Abharuumi 4:2

Erabha torabhugha kubha Abhurahamu ꞉naabhariiru kubha omooto omuhëënë ambërë e Ryobha kurëngʼaana na amaköri ghaache amachömu, niho angabheere ne egheghiro ghe kwihachera. Amare obhuhëënë n‑kubha, taanyi na ghyokyose ghe kwihachera ambërë e Ryobha.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

1 Abhakorinto 9:14

Wiiki Omutëmi Yesu ꞉naahatëkiri hangʼu hangʼu, kubha, bhano bhakuraghani Angʼana Anchömu, bhabhe bharabhöna amënda ghaabho kurëngʼaana ne emeremo ghiyo.

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

Abhakorosaayi 4:17

Momobhoorere Arikibho kubha, ahiki bhoheene emeremo ghino Omutëmi amoheere.