1 Abhakorinto 9:15 - Eriiraghano Eriihë

¹⁵ Amare eni ntiimara nsabha koru kimu mo‑bhino nirëngʼaaniire kuhaabhu. Wiiki ntyandëkiri hangʼu, kubha nihaabhu bhiyo ibheere. Ghokoone ngʼoni ghoku ghokera komuköra omooto anduusi okwihacha koone gho kuraghani Angʼana Anchömu kuno neghuköra ntaakorehu.

1 Abhakorinto 9:15 ပူးပေါင်းရင်းမြစ်များ

Mataayo 18:6

“Amare aribha anyi‑ho omooto uno akomorumeeri umu ghate e bhasuuhu bhano bhaghonkumi eni, aghëri akörë amasari, konga omooto kinya uyo abhöhëru orobhohe ro ghusëëra mwighöti, na komurëkëra mo‑ghetibhokera ke mo‑nyancha.

Amaköri gha Bhatomu 18:3

Mbe, gho kubha Bhawuro naare araköra omoremo o ghotuma amahëëma kinya ibho, niho aghiikara mo‑ka yaabho bhaakabha bharahöki haghirohamu.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Amaköri gha Bhatomu 20:33

“Eni ntiighombiri chambiiri che mooto wowoose, koru sahaabhu cheeche, koru amaghööti ghaache.

Amaköri gha Bhatomu 20:34

Inyu bheene mweche kubha neere neraköra emeremo kwo mabhökö ghaane, gho ghiri e mënda ghaane, na gha bhaghëndi bhano toore haghirohamu nabho.

Amaköri gha Bhatomu 8:3

Sawuri aghasëëma kobhanyaaki abhaato bha mo‑kanisa. Akabha arasöha mo‑chaaka cheebho, arabhahoroki anche abhasubhe na abhakari, arabhahira mo‑chanyumba che bhabhöhu.

1 Abhakorinto 4:12

Ntoghuköra emeremo ghiito gho ghwiköngʼi chwee kwo mabhökö ghiito itu bheene. Hano abhaato bhaghototoka, ntokobhiitabheri. Hano bhaghotunyaaki, ntoghoghumereri.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

1 Abhakorinto 9:18

Ibheere atuho yaane n‑ghento ke? Atuho yaane n‑kuraghani Angʼana Anchömu taanyi korehu, taanyi ghusabha ghano nirëngʼaaniire kuhaabhu gho ghiri e kuraghani angʼana iyo.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

2 Abhatesaronike 3:8

koru totaraghiire ebhiinyakurë bhe mooto wowoose bhoowa. Amare ntoore toraköra emeremo gho ghwiköngʼi obhotiko no omwishe, kubha totamunyaaki omooto wowoose ghate yaanyu.