1 Abhakorinto 9:14 - Eriiraghano Eriihë

¹⁴ Wiiki Omutëmi Yesu ꞉naahatëkiri hangʼu hangʼu, kubha, bhano bhakuraghani Angʼana Anchömu, bhabhe bharabhöna amënda ghaabho kurëngʼaana ne emeremo ghiyo.

1 Abhakorinto 9:14 ပူးပေါင်းရင်းမြစ်များ

Mataayo 10:10

Motaacha kwimoki eriighöchi, hamu changibho ibhere, hamu ebhekwera, hamu ahimbo, gho kubha omuköri o meremo nakurëngʼaanera kuhaabhu bhino bhakwënda.

Ruuka 10:7

Motabha morasaamasaama mo‑chaaka chiyo mohikiire, amare, mwikare mo‑chaaka chiyo mohikiire, mubhe moraraaghëra ebhiinyakurë bhino bhabhaheere. Gho kubha omuköri o meremo nakurëngʼaanera kuhaabhu amareho ghaache.

Ruuka 10:8

“Eriibhagha moghusöha mo‑moghya nyarebhe, na abhiikari bhayo bhakabhaghënëhi, mori ebhiinyakurë bhino bhaakubha bhabhaheere.

Amaköri gha Bhatomu 18:3

Mbe, gho kubha Bhawuro naare araköra omoremo o ghotuma amahëëma kinya ibho, niho aghiikara mo‑ka yaabho bhaakabha bharahöki haghirohamu.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 9:11

Itu ntobharaghaniiri angʼana ighoro e Kirisito, kinya omooto uno akwemi chaatëtërë. Ibheere, n‑ngʼana inkoro ghokoonyu ghotuha ebhiinyakurë ne ebhinywebhu, kubha tubhönë obhwëra, kinya omughësi ahaabhöna?

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

1 Abhakorinto 9:16

Eni nteekurëngʼaanera kwihacha gho ghiri e kuraghani Angʼana Anchömu, gho kubha emeremo ghiyo nighyo niragheriiru ghuköra. Wiiki horeera nekorighi eni aribha neraanga kuraghani Angʼana iyo Anchömu.

1 Abhakorinto 9:4

itu totaakurëngʼaanera kuhaabhu ebhiinyakurë ne ebhinywebhu gho ghiri e meremo ghiito ghe bhotomu?

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

Abhagharatiya 6:6

Omooto uno akweghibhu angʼana e Ryobha, nakwëndëru abhe aramuhööhi omweghi waache ebheghiro ebhichömu bhino akubhöna.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.