1 Abhakorinto 9:10 - Eriiraghano Eriihë

¹⁰ Hamu ndeere rerabhugha gho ghiri yiito? Nibhu keenyi! Amandëkö ghayo ngaandëkuru gho ghiri yiito, gho kubha uno akorema na uno aghughësa, bhoose mbakwëndëru ghwitëngʼëra kubha mbakubhöna ahööhi.

1 Abhakorinto 9:10 ပူးပေါင်းရင်းမြစ်များ

Mataayo 24:22

Aribha Eryobha retangatoriri ghoghuheehi eriibhagha riyo re nyaako, mbe, taanyi‑ho omooto uno angahöniri. Amare gho ghiri e bhaahöru bhaache, Eryobha ndeghochiköra chibhe inguhe chaasiko chiyo.

Abharuumi 15:4

Ghoose ghano ꞉ghaandëkuru kare mo‑Mandëkö Amatööbhiyu, ꞉ngaandëkuru gho ghiri e ghotweghi itu. Amandëkö ghayo ngaghotusakeri ghoghumereri mo‑nyaako yiito na ghotughambisani, kubha tubhe na amiitëngʼërö.

1 Abhakorinto 3:9

Neghosiikëra hangʼu gho kubha eni na Abhooro ntoghuköra emeremo ghino ghe Ryobha haghirohamu, na niinyu n‑omoghondo o Ryobha moonyi, wiiki n‑anyumba yaache moonyi.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

2 Timotewo 2:6

Wiiki, omoremi uno aghwiköngʼi mwirema, uyo nakurëngʼaanera kubhöna omunöghö o mumbërë.