1 Abhakorinto 8:1 - Eriiraghano Eriihë

¹ Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

1 Abhakorinto 8:1 ပူးပေါင်းရင်းမြစ်များ

Amaköri gha Bhatomu 15:10

Mbe, ngwake moghusaki Eryobha gho kobhaghëghi Abhakirisito bhayo omorigho uno, na niitu abheene noghotutama? Koru na bhasookoro bhiito bhoose, ꞉noobhatamiri!

Amaköri gha Bhatomu 15:29

Motarë ebhiinyakurë bhino bhiköruru kubha bheghonchu gho kuhëërana chasanaamu, na motarë amasaahë koru chaanyama che chatyenyi chino chinyëëturu, na motabha moraköra ubhutaari. Aribha mookubha moriisacha ghayo, niho mookubha muköriri bhoheene ambërë e Ryobha. Masaraamu.”

Amaköri gha Bhatomu 21:25

Kwo ribhaara re bhaato bha matöngö bhano bhamokumiri Yesu, ntobhaandëkiire kinya bhuure tooteniri ekiina kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, na bhatarë amasaahë, koru chaanyama che chatyenyi chino chinyëëturu, na bhataköra obhutaari.”

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

Abharuumi 12:16

Mwikare haghirohamu kwo mukörö umu. Motabha moriihacha, amare mwinyööhi, mubhe no obhughöötani na abhaato bha haase. Motiirighi kubha niinyu abheene moonyi na amangʼiini.

Abharuumi 14:10

Ibheere, iye n‑niwe uno oghotenera ekiina omokumi mughëndi waacho? Na niiye ngwake oghutaraaha mughëndi waacho? Itu bhoose ntokwimeerera ambërë e ghetumbe ke Ryobha, na ghoteneru ekiina.

Abharuumi 14:14

Kurëngʼaana na ameeghi gha Mutëmi Yesu, nyeeche kwo bhuhëënë kubha, ghetaanyi‑ho ekiinyakurë ghyokyose egheghonchu. Amare aribha omooto akorighi ekiinyakurë nyarebhe n‑gheghonchu, hayo niho ekiinyakurë kiyo gheekubha gheghonchu ghokooche.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 14:22

Ibheere, kino iye oghokumi ighoro e mangʼana ghayo, ghabhe ghate yaacho na ambërë e Ryobha. Ngʼoni omooto uno ataaghwitenera ekiina hano aghuköra egheghiro kino akorighi keenyi bhoheene.

Abharuumi 14:3

Omooto uno akurë ghyokyose kiire, atamutaraaha uno akurë chaanyi. Omooto uno akurë chaanyi, atamotenera ekiina uno akurë ghyokyose kiire, gho kubha Eryobha ndemwisheriiri kebhuno anyi.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

1 Abhakorinto 1:5

Gho ghughöötana koonyu na Kirisito mubheere no obhwame bho kira gheghiro, ahanene mo‑maghamba ghaanyu na kwo bhumënyi bhoonyu.

1 Abhakorinto 10:15

Neghosiikëra na niinyu bhano moonyi no obhongo, moghoochochani inyu bheene ghano neghosiikëra.

1 Abhakorinto 10:28

Amare aribha omooto arabhabhoorera kubha, “Ekiinyakurë kino nkeruusiibhu mo‑chasanaamu,” hayo motarë ekiinyakurë kiyo, gho ghiri e mooto uno abhabhooriire, wiiki gho ghiri e masëmö gha mo‑metema.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

1 Abhakorinto 4:18

Ibheere abhande ghate yaanyu mbakwihacha, gho kubha mbaghwituuri kubha, nteekuucha wiiki iyo bhowaanyu.

1 Abhakorinto 4:6

Abhahiiri bhaane, nebhughiri amangʼana ghayo ghoose ighoro yaane na Abhooro, kubha tubhe eghetuubhaani gho ghiri yaanyu. Kurëngʼaana ne eghetuubhaani kiyo, mumënyë ghano ghaghughambu mo‑kirëngi kino, “Motakera ghano ghaandëkuru mo‑Mandëkö Amatööbhiyu.” Aribha moraghööta ekirëngi kiyo, taakubha‑ho omooto wowoose uno akwihachera omooto umu na komutaraaha owonde.

1 Abhakorinto 5:2

Ngwake inyu mokwihacha? Ngʼoni mongitumatiri na komoruusi omooto uno aghuköra ghayo ghate yaanyu!

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

1 Abhakorinto 8:2

Aribha omooto akwirighi kubha neeche angʼana nyarebhe, uyo teeche ghyokyose kinya bhuno akwëndëru kumënya.

1 Abhakorinto 8:4

Ibheere ighoro e kurë ebhiinyakurë bhino bheruusiibhu amaruusi mo‑chasanaamu, ntweche kubha chasanaamu chino cheghusëngëru, taanyi egheghiro mo‑se muno. Wiiki ntweche kubha ndeenyi‑ho Eryobha rimu hangʼu.

1 Abhakorinto 8:7

Amare taanyi abhaato bhoose bhano bhaanyi no obhumënyi bhuyo, gho kubha mbaanyi‑ho abhande bhano ꞉bhaare na chaasughara che ghusëngëra chasanaamu. Koru ibheere, eriibhagha bhaakurë ebhiinyakurë bhino bhiihëriinu mo‑chasanaamu, ebhiinyakurë bhiyo mbekobhaköra bhahiite chasanaamu. Hayo mbakwirighi mo‑metema gheebho kubha mbaghuköra amasari, gho kubha bhataamara bhaköngʼëri mo‑bhokumi.

Abhaebheeso 4:16

Kirisito naghughöötani abhaato bhaache bhoose kubha bhamu, kinya bhuno ebhyemo bhe mobhere bhehaghöötana haghirohamu, na kubha omobhere umu. Mbe, kira kyemo keraköra omoremo waache kinya ghekwëndëru, omobhere woose nokwiyëngëra na ghuköngʼëri mo‑bhosiighi.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.