1 Abhakorinto 7:34 - Eriiraghano Eriihë

³⁴ amiihëëbhö ghaache ngaakubha chambaara ibhere. Nawe omukari uno atakwiruru, koru omuukë uno atamweche omosubhe nahahöki emeremo ghe Mutëmi kubha abhe omutööbhiyu mo‑mobhere na akörö. Amare omukari uno akwiruru, nahanyaakera amangʼana gha riimanya re mo‑se ino, ariituuri kinya bhuno akomotegheri omosubhe waache.

1 Abhakorinto 7:34 ပူးပေါင်းရင်းမြစ်များ

Yohana 10:13

Omooto uyo nakungʼösa gho kubha, iwe n‑omooto o mareho, taaghochetereera changʼöndu chiyo.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

1 Abhakorinto 7:33

Amare omooto uno akwiriri, nahanyaakera amangʼana gha riimanya re mo‑se ino, ariituuri kinya bhuno akomotegheri omukari waache,

1 Abhakorinto 7:35

Neghosiikëra amangʼana ghayo kwo bhwëra bhoonyu, taanyi kubha nekwënda kobhahööchërëra. Nekwënda kubha mubhe moramanya kinya bhuno ekwëndëru, mubhe moramuhökëri Omutëmi kwo mukörö woose.

2 Abhakorinto 11:28

Haghirohamu na ghayo ghoose, kira rosiko neghokeyu ne emeremo ghino nekwëndëru ghuköra gho ghiri e makanisa ghoose.

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

Abhabhiribhi 1:20

Neghwighomba kwo miigha chwee na neghwitëngʼëra kubha, nteeghosookibhu gho nchëra yoyoose yiire. Ibheere kinya eriibhagha erende, nekwëndërëra ghwiköngʼi kwo bhosubhesubhe kubha, Kirisito aghongibhu mo‑ghoose ghano neghuköra, ibhe n‑ghusaagha neenyi muhöru, hamu ghoku.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

1 Timotewo 3:5

Aribha omooto ataaghotora kwimeererera aka yaache omwene, nibhu aghuköra atore kwimeererera abhakumi bha riikanisa re Ryobha?

1 Timotewo 5:5

Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.