1 Abhakorinto 7:19 - Eriiraghano Eriihë

¹⁹ Ghusaaru hamu ghotigha ghusaaru ghotaanyi no obhwëra. Egheghiro kino keenyi no obhwëra n‑ghughööta emeghiro ghe Ryobha.

1 Abhakorinto 7:19 ပူးပေါင်းရင်းမြစ်များ

Mataayo 5:19

Wowoose uno aghusari koru omoghiro umu mosuuhu ghokera ghyose na kobheeghi abhande bhakörë hangʼu, uyo naakubha mosuuhu kimu mo‑bhutëmi bho Mwishaaro. Amare wowoose uno aghoghitambana na kobheeghi abhande kubha nabho bhakörë hangʼu, uyo naakubha omokoro mo‑bhutëmi bho Mwishaaro.

Yohana 15:14

Aribha moghuköra ghano nebharagheriiri, inyu m‑bhasaani bhaane moonyi.

Abharuumi 3:30

Ndeenyi‑ho Eryobha rimu hangʼu, gho ghayo neenyi‑ho anchëra imu hangʼu e kubharera abhaato kubha mbaanyi no obhuhëënë ambërë yaache. Abhayahuuti na abhaato bha matöngö, bhoose mbaghwisherereru ne Eryobha kubha mbaanyi no obhuhëënë gho komokumi Yesu okwene.

1 Abhakorinto 8:8

Ibheere, ekiinyakurë ghetaaghototoora kubha haghuhe ne Eryobha, gho kubha toratigha kurë, totaaghosuuheru ne egheghiro, wiiki ntongarë, totaakwëngëra egheghiro.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhagharatiya 6:15

Ghusaaru hamu kwanga ghusaaru, ghotaanyi ne ekebhune ghyokyose. Egheghiro ke bhwëra n‑ghuköru obhuhë ne Eryobha.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Obhohunyurëru 22:14

Ngʼoni abhaato bhano bhakohura chandachana cheebho, kubha bhiisherereru ghusöha omoghya uyo omuhë kohetera ekehita keeche na kurë amakorobhese gha mote o kobhaha abhaato obhuhöru.