1 Abhakorinto 7:15 - Eriiraghano Eriihë

¹⁵ Amare omosubhe hamu omukari uno ataanyi omokumi arëënda ghutaana no omokumi uno akwirine nawe, omotighe akörë hangʼu. Hayo omokumi uyo taakubhöhu no obhokwirani bhoobho. Amare Eryobha ndetobherekiire kubha tumanye kwo murëmbë.

1 Abhakorinto 7:15 ပူးပေါင်းရင်းမြစ်များ

Mataayo 12:50

Gho kubha omooto wowoose uno aghuköra ghano ghaanyi amiigha gha Taata waane uno anyi Mwishaaro, uyo niwe omwito, na niwe yiima.”

Ruuka 9:39

Mööhi, omusambu nohaamusöhërëra, omuköra akörë eriireghe. Wiiki nohaabha oramukörëra eriirimo, ino eriihuru reramoru mo‑monu, nohaamunyaaki chwee, na tohaamotigha bhwango.

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

1 Abhakorinto 14:33

Neekubha hangʼu, kinya enyi mo‑makanisa ghoose gha bhaato bha Ryobha, gho kubha Eryobha riito retaanyi re nyööri, amare n‑de murëmbë.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Yakobho 2:15

Aribha omokumi mughëndi waanyu o ghesubhe hamu o ghikari taghöötë angibho koru ebhiinyakurë,