1 Abhakorinto 6:9 - Eriiraghano Eriihë

⁹ Moteeche kubha abhaato abhabhe bhataakobhughabha obhutëmi bho Ryobha? Motingʼiina! Abhataari, abhaato bhano bhaghusëngëra chasanaamu, koru abhasubhe bhano bhakomisi na abhasubhe bhaghëndi bhaabho,

1 Abhakorinto 6:9 ပူးပေါင်းရင်းမြစ်များ

Mataayo 19:29

Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Amaköri gha Bhatomu 20:32

“Ibheere nekabhatighera Eryobha ribhe niryo rekobhachonga. Mubhe morachongu na angʼana yaache ino enyi na aghareeya. Aghareeya yaache neghotora kobhaköngʼi, mbagha mubhönë aghabho ino bhatooriiru abhaato bhaache bhoose.

Amaköri gha Bhatomu 24:25

Akëëndërëra kobhabhoorera ghoose ghano ghakwëndëru ghuköra ambërë e Ryobha, na kinya bhuure abhaato bhakwëndëru kwihööchërëra mo‑mabhe, na kebhuno Eryobha reghotenera ekiina abhaato. Bheriki hano oghwire ghayo, aghatiina chwee. Akamobhoorera Bhawuro akabhugha, “Kwi ibheere noghotora ghuye. Neghokobherekera wiiki hano nekubhöna omweya.”

Abharuumi 1:18

Eryobha eryene ndëhëërëki haheero koru Mwishaaro kubha, ndehaarööna abhaato bhano bhakoryanga na ghuköra amabhe. Abhaato bhayo mbahaanga obhuhëënë bhooche, kurëngʼaana na amabhe ghaabho,

1 Abhakorinto 15:33

Motangʼiinu na abhaato bhano bhakobhugha hangʼu, gho kubha, “Abhasaani abhabhe, mbaghusari atëëmö inchömu e mooto.”

1 Abhakorinto 15:50

Abhahiiri bhaane, kino nekwënda kobhugha n‑kubha, emebhere ghiito ghe chaanyama na amasaahë ghetaaghotora ghusöha mo‑bhutëmi bho Ryobha, wiiki emebhere ghino gheghusarëka ghetaaghotora kubha no obhuhöru bho miishe ghyose.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

1 Abhakorinto 5:1

Mahëënë amangʼana ngasanchiri kubha, mboonyi‑ho obhutaari ghate yaanyu, obhutaari bho mooto ghutaara no omukari wi ishe! Obhutaari bhonga bhuyo, bhotaamara korighibhu koru mo‑bhaato bhano bhataryeche Eryobha.

1 Abhakorinto 5:10

Ekebhune keene ghetaare kubha, motaghöötana na abhataari, na abhasööhu, na amanyangara, koru bhano bhaghusëngëra chasanaamu, ino bhataanyi abhakumi. Nengabheere hangʼu, mongarëngʼaaniire koru mo‑se ino!

1 Abhakorinto 5:11

Amare, kino ꞉nyëëndiri kobhugha n‑kubha, motaghöötana no omooto uno akwibherekera omokumi, ino anyi omutaari, no omusööhu, koru uno aghusëngëra asanaamu, hamu omokobhooshani, hamu omurëëbhi, hamu erinyangara. Omooto kinya uyo, motiishereri koru ghusanga nawe mo‑ndaaghëra.

1 Abhakorinto 6:10

na abhiibhi, na abhasööhu, na abharëëbhi, na abhakobhooshani, na amanyangara, bhayo bhoose bhataakobhughabha obhutëmi bho Ryobha.

1 Abhakorinto 6:18

Gho ghayo, mwisache obhutaari. Amasari aghande ghoose ghano omooto aghuköra ngaanyi anche e mobhere waache, amare omooto uno aghuköra obhutaari, uyo naghuköra amasari ighoro e mobhere waache omwene.

1 Abhakorinto 6:19

Moteeche kubha, emebhere gheenyu n‑Erisëngërö re Körö Ahörëëru ino enyi moose yaanyu, ino Eryobha rebhaheere? Mbe, inyu emebhere ghiyo taanyi ghe gheenyu, amare n‑ghe Ryobha,

1 Abhakorinto 9:24

Moteeche kubha abhaato bhano bhaghosirisinchana koyaara, bhoose mbakoyaara, amare uno akubhöna atuho n‑umu hangʼu? Ibheere mwiköngʼi koyaara, kubha mubhönë atuho.

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

Abhagharatiya 6:7

Motingʼiina, Eryobha retaaghochebhoru. Kino omooto akwemi, nikyo aghughësa.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

Yakobho 1:16

Abhahiiri bhaane abhasiighani, motangʼiinu.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.