1 Abhakorinto 6:8 - Eriiraghano Eriihë

⁸ Amare ibheere inyu, niinyu mokobhaköra kobhe na kobhahöka obhwame bhoobho, wiiki moghuköra ghayo mo‑bhakumi abhaghëndi bhaanyu!

1 Abhakorinto 6:8 ပူးပေါင်းရင်းမြစ်များ

Mataayo 20:13

“Omwene omoghondo uyo akamugharokeri umu mo‑bhaato bhayo akabhugha, ‘Oo musaani, ntekongʼiiniri gho ghyokyose. Kana, totiishereriini kubha noghuköra omoremo kwo mareho gha rosiko rumu?

Maariko 10:19

Ibheere, noghyeche emeghiro ghe Ryobha ghino ghekobhugha kubha, ‘Otiita, no otataara, no otiibha, no otaruusi obhwibhateri bho bhuröngö, no otangʼiina, no obhasooke iso na nyako.’”

Abhakorosaayi 3:25

Amare wowoose uno aghuköra amabhe nakorehu kurëngʼaana na amabhe ghaache, gho kubha Eryobha retaanyi no obhwingʼaheri.

1 Abhatesaronike 4:6

Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

Yakobho 5:4

Mumööhi! Inyu motabharehiri bhano ꞉bhaare bharabhahökëri mo‑meghondo gheenyu, bhano bhabhaghësiire mbakwirereeri ne eriirera reebho ndehikiri mo‑matu gha Mutëmi Waryobha o bhakëëya bha Mwishaaro.