1 Abhakorinto 6:5 - Eriiraghano Eriihë

⁵ Neghosiikëra hangʼu kubha morighi chaasoni. Kana, ghate yaanyu taanyi‑ho koru omooto umu uno anyi na amangʼiini, uno aghotora ghotena ekiina ghate e mooto umu no omughëndi?

1 Abhakorinto 6:5 ပူးပေါင်းရင်းမြစ်များ

Amaköri gha Bhatomu 1:15

Eriibhagha riyo, abhaghëndi bha Yesu bhano ꞉bhaare bhiikomiine muyo mbaare, eriighana rimu na miröngö ebhere. Niho Bheetero akiimeerera ghateghate yaabho,

Amaköri gha Bhatomu 9:13

Ananiya akabhugha, “Omutëmi, abhaato bhaaru mbambooriire kebhuno Sawuri uyo abhaköriire abhaato bhaacho abhatööbhiyu amabhe iyo Yerusareemu!

1 Abhakorinto 11:14

Kinya amangʼana ghaanyi nekwërëki kubha, n‑chaasoni kwo mosubhe kubha na chanchweri indë!

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

1 Abhakorinto 3:18

Omooto wowoose ghate yaanyu atingʼiina kubha naanyi na amangʼiini. Aribha omooto akwirighi kubha naanyi na amangʼiini mo‑se ino, ngʼoni abhe muraghaanu kubha abhönë amangʼiini gha hëënë.

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

1 Abhakorinto 4:14

Nteekobhaandëkëra amangʼana ghano kobhasooki, amare nekwënda kobhashaangʼi kinya abhaana bhaane abhasiighani.

1 Abhakorinto 6:1

Aribha umu ghate yaanyu naanyi na amasëmö ighoro e mokumi mughëndi waache, ngwake akohira amasëmö ghaache mo‑bhano bhataanyi abhakumi na ghotigha abhaato bhano bhakorekumi Eryobha?

1 Abhakorinto 6:4

Mbe, hano mokoreghesa ighoro e mangʼana gha riimanya re kira rosiko, ngwake mokohira amasëmö ghaanyu mo‑bhaato bhano koru bhataaghosooku ne eriikanisa?

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.