1 Abhakorinto 6:3 - Eriiraghano Eriihë

³ Moteeche kubha ntokobhatenera ekiina koru bhamarayika? Aribha hangʼu keenyi, mbe, mokwëndëru ghotenera ekiina amangʼana gha riimanya re kira orosiko.

1 Abhakorinto 6:3 ပူးပေါင်းရင်းမြစ်များ

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Ruuka 21:34

“Mubhe miisho, motaacha ghokeyu no obhohobhaaru, no obhurëëbhi, na anyaako e riimanya rino. Wiiki moraanga kubha miisho, orosiko runo ro ntenero ndokobhahikera bhwango na kobhataki!

Ruuka 8:14

“Chambusuru chino ꞉cheeghweriire ghate e maho, nchekwërëki abhaato bhano bhakooghu angʼana e Ryobha. Amare hano bhakwëndërëra, bhabhandereru na ahaho, no obhutabhari bho bhwame, na amasineenu gha moose ino. Ghayo ngaghughëri obhokumi bhoobho bhotaruusi amakorobhese amachömu.

Abharuumi 6:16

Moteeche kubha, moriiruusi kwo mooto na ghuköra ghano akwënda, niho mookubha moramosooka kinya abhasësë bhaache? Mbe, kinya mookubha moriiruusi ghuköra amasari, mookubha abhasësë bha masari, na kino ghekobhabhöna n‑oroko. Amare aribha moriiruusi koresooka Eryobha, mookubha abhasësë bha Ryobha, na kino ghekobhabhöna n‑eriimanya rino reenyi re bhuhëënë.

1 Abhakorinto 6:15

Moteeche kubha emebhere gheenyu, n‑ebhyemo bhe mobhere o Kirisito? Kana, moghwituuri moghotora kwimoki ebhyemo bhe mobhere o Kirisito, na kobhighöötani no omobhere o musöngörëëri? Naabha, koru hasuuhu!

1 Abhakorinto 6:16

Moteeche kubha omooto wowoose uno aghöötiine no musöngörëëri, nabheere omobhere umu nawe? N‑kinya bhuno yandëkuru mo‑Mandëkö Amatööbhiyu kubha, “Bhayo bhabhere mbaakubha omobhere umu.”

1 Abhakorinto 6:19

Moteeche kubha, emebhere gheenyu n‑Erisëngërö re Körö Ahörëëru ino enyi moose yaanyu, ino Eryobha rebhaheere? Mbe, inyu emebhere ghiyo taanyi ghe gheenyu, amare n‑ghe Ryobha,

1 Abhakorinto 6:4

Mbe, hano mokoreghesa ighoro e mangʼana gha riimanya re kira rosiko, ngwake mokohira amasëmö ghaanyu mo‑bhaato bhano koru bhataaghosooku ne eriikanisa?

2 Timotewo 2:4

Taanyi‑ho omoshirikare omuhöriicho uno aghotigha kuhöki emeremo ghe bhoshirikare, asöhë mo‑meremo ghino ghetaanyi ghe bhoshirikare. Taaghwisöhi mo‑ghiyo, gho kubha nakwënda ghuchömëri omokoro waache.

2 Timotewo 4:10

gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.