1 Abhakorinto 6:15 - Eriiraghano Eriihë

¹⁵ Moteeche kubha emebhere gheenyu, n‑ebhyemo bhe mobhere o Kirisito? Kana, moghwituuri moghotora kwimoki ebhyemo bhe mobhere o Kirisito, na kobhighöötani no omobhere o musöngörëëri? Naabha, koru hasuuhu!

1 Abhakorinto 6:15 ပူးပေါင်းရင်းမြစ်များ

Ruuka 20:16

Nakuucha na kobhiita abharemi bhayo, no omoghondo waache, nakobhaha abhande!” Hano abhaato bhooghwire amangʼana ghayo, bhakabhugha, “Amangʼana ghayo ghataacha korwera naabha!”

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

Abharuumi 3:31

Ibheere kana, hano tokuhënërëra komokumi Yesu, niko kobhugha kubha emeghiro ghe Musa ghetaanyi no obhwëra? Tiyaanyi! Amare toramokumi Yesu, niho tookubha tohikeriini ghoose ghano emeghiro ghe Musa ghyërëkëriiri.

Abharuumi 3:6

Tiyaanyi! Nengabheere hangʼu, nibhu Eryobha rengabheere no obhuhëënë bho ghotenera ekiina abhaato bha mo‑se ino?

Abharuumi 6:15

Ibheere tobhughe bhu? Tobhughe kubha twëndërërë ghuköra amasari, gho kubha totaaghukangatu na changuru che meghiro, na gho kubha Eryobha ndetoheere aghareeya yaache? Naabha!

Abharuumi 6:2

Naabha, koru hasuuhu! Itu ntubheere kinya abhaku kwo mangʼana gha ghuköra amasari. Gho ghayo, totaaghotora kwëndërëra kumanya wiiki mo‑masari.

Abharuumi 7:13

Amare aribha n‑hangʼu keenyi, n‑emeghiro ghiyo emichömu nighyo ghindëëtiire oroko? Tiyaanyi! Amasari nigho ghandëëtiire oroko gho nchëra e meghiro ghino gheenyi emichömu. Mboore obhorwachi bho Ryobha kubha emeghiro ghibhe ghërëërëki haheero kubha, amasari n‑egheghiro ekebhe chwee.

Abharuumi 7:7

Ibheere tobhughe bhu? Tobhughe kubha, emeghiro n‑amasari? Naabha! Amare aribha emeghiro ghetangabheere‑ho, ntengamënyiri kubha amasari n‑egheghiro ke. Aribha tongabheere‑ho omoghiro uno okobhugha, “Otiighomba egheghiro ke mughëndi waacho,” ntengamënyiri kubha ghwighomba egheghiro ke mooto owonde, n‑ghuköra amasari.

1 Abhakorinto 11:3

Amare ibheere nekwënda mumënyë kubha omutu o mosubhe wowoose uno akumiri, n‑Kirisito, no omutu o mukari, n‑omosubhe waache, no omutu o Kirisito n‑Eryobha.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

1 Abhakorinto 6:17

Amare omooto wowoose uno aghughöötana no Omutëmi, naakubha n‑akörö imu nawe.

1 Abhakorinto 6:19

Moteeche kubha, emebhere gheenyu n‑Erisëngërö re Körö Ahörëëru ino enyi moose yaanyu, ino Eryobha rebhaheere? Mbe, inyu emebhere ghiyo taanyi ghe gheenyu, amare n‑ghe Ryobha,

1 Abhakorinto 6:3

Moteeche kubha ntokobhatenera ekiina koru bhamarayika? Aribha hangʼu keenyi, mbe, mokwëndëru ghotenera ekiina amangʼana gha riimanya re kira orosiko.

Abhagharatiya 2:17

Mbe, ntoghutabhara kubharu kubha abhaato bha hëënë ambërë e Ryobha gho ghughöötana na Kirisito, amare abhaato abhande mbakobhugha kubha itu bhoose ntobheere abhaköri bha masari. Kana m‑mahëënë kubha Kirisito naghotuköra kubha abhaköri bha masari? Tiyaanyi!

Abhagharatiya 3:21

Kana, emeghiro ghetaakoghwana na ghano Eryobha ꞉riiraghiri? Tiyaanyi! Aribha bhongabheere‑ho obhotoro bho meghiro kobhaha abhaato obhuhöru, mbe, ntongatoriri kubharu kubha abhaato abhahëënë ambërë e Ryobha gho ghughööta emeghiro.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhaebheeso 5:23

Mokwëndëru ghuköra hangʼu, gho kubha omosubhe naanyi no obhotoro ighoro e mukari waache. N‑kinya bhuno Kirisito anyi no obhotoro ighoro e riikanisa. Iwe omwene niwe Omotoori o riikanisa, rino reenyi omobhere waache.

Abhaebheeso 5:30

gho kubha itu abhakumi ne ebhyemo bhe mobhere waache toonyi.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.