1 Abhakorinto 6:13 - Eriiraghano Eriihë

¹³ Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

1 Abhakorinto 6:13 ပူးပေါင်းရင်းမြစ်များ

Mataayo 15:17

Moteeche kubha ghyokyose kino gheghusöha mo‑monu, ngeeghuye mo‑nda e mooto, keramara kehoroka anche?

Mataayo 15:20

Ghoose ghayo, nigho ghakomuköra omooto kubha moghonchu. Amare omooto taaghotora kubha moghonchu gho kubha, nakuraaghëra ino atishaabhiri amabhökö.”

Maariko 7:19

Ekiinyakurë kino omooto akurë ghetahaayi mo‑körö yaache, nkehaasöha mo‑nda, keramara kehoroka anche e mobhere waache.” Gho kobhugha hangʼu, Yesu ꞉nëërëkiri kubha, ebhiinyakurë bhyose mbiishereriiru koreebhu.

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Yohana 6:49

Nangabha bhasookoro bhaanyu ꞉bhaariire agharinga mwibhara, koru hangʼu ꞉mbaakuure.

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 6:12

Gho ghayo, motiishereri amasari ghakangate emebhere gheenyu ghino ghehaaku. Motiishereri korutu na amiigha amabhe gha mebhere gheenyu.

Abharuumi 7:4

Abhahiiri bhaane, amangʼana ghayo nibhu ghaanyi na ghokoonyu. Koru inyu motaakubhöhu wiiki ne emeghiro ghe Musa, gho kubha mokuure haghirohamu na Kirisito mo‑musarabha. Ibheere inyu n‑abhaato bhaache moonyi, uno ꞉aryokiibhu koru mo‑bhaku, kubha eriimanya riito ribhe na amakorobhese amachömu gho ghiri e Ryobha.

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

1 Abhakorinto 6:15

Moteeche kubha emebhere gheenyu, n‑ebhyemo bhe mobhere o Kirisito? Kana, moghwituuri moghotora kwimoki ebhyemo bhe mobhere o Kirisito, na kobhighöötani no omobhere o musöngörëëri? Naabha, koru hasuuhu!

1 Abhakorinto 6:19

Moteeche kubha, emebhere gheenyu n‑Erisëngërö re Körö Ahörëëru ino enyi moose yaanyu, ino Eryobha rebhaheere? Mbe, inyu emebhere ghiyo taanyi ghe gheenyu, amare n‑ghe Ryobha,

2 Abhakorinto 11:2

Eni nekobharigheri eriihari. Eriihari riyo ndeekoru kwo Waryobha, gho kubha moonyi kinya omuukë uno ataamara amisi no omosubhe, uno nemwishereriiri ghokwiru no omosubhe umu hangʼu, omosubhe uyo n‑Kirisito.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhaebheeso 5:23

Mokwëndëru ghuköra hangʼu, gho kubha omosubhe naanyi no obhotoro ighoro e mukari waache. N‑kinya bhuno Kirisito anyi no obhotoro ighoro e riikanisa. Iwe omwene niwe Omotoori o riikanisa, rino reenyi omobhere waache.