1 Abhakorinto 5:11 - Eriiraghano Eriihë

¹¹ Amare, kino ꞉nyëëndiri kobhugha n‑kubha, motaghöötana no omooto uno akwibherekera omokumi, ino anyi omutaari, no omusööhu, koru uno aghusëngëra asanaamu, hamu omokobhooshani, hamu omurëëbhi, hamu erinyangara. Omooto kinya uyo, motiishereri koru ghusanga nawe mo‑ndaaghëra.

1 Abhakorinto 5:11 ပူးပေါင်းရင်းမြစ်များ

Mataayo 18:17

Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.

Mataayo 23:25

“Horeera mokorighi inyu abheeghi bha meghiro na niinyu Amabharisaayo, inyu chaghughuuti, gho kubha moghwiköri kubha m‑bhatööbhiyu moonyi ambërë e bhaato. Mokweghi bhoheene eghisënchö ne ekehoncho gho nche, amare motighiri kweghi bhino bheenyi‑mu, ebheghiro bhino mobhwine mo‑bhwibhi no obhohobhaaru.

Ruuka 18:11

“Omubharisaayo uyo akiimeerera, aghasabha Eryobha ghenkirinkiri arabhugha, ‘Oo Waryobha, ˆoghachömi, gho kubha eni nteenyi mobhe ke bhande bhano bhaghuköra amabhe, na bhano bhakuhöka abhaato ebheghiro na abhataari, hande koru kinya omutöbhi uno o righööti!

Ruuka 21:34

“Mubhe miisho, motaacha ghokeyu no obhohobhaaru, no obhurëëbhi, na anyaako e riimanya rino. Wiiki moraanga kubha miisho, orosiko runo ro ntenero ndokobhahikera bhwango na kobhataki!

Amaköri gha Bhatomu 1:15

Eriibhagha riyo, abhaghëndi bha Yesu bhano ꞉bhaare bhiikomiine muyo mbaare, eriighana rimu na miröngö ebhere. Niho Bheetero akiimeerera ghateghate yaabho,

Amaköri gha Bhatomu 9:17

Mbe, Ananiya aghaye, aghasöha mo‑nyumba iyo. Niho akamotoorera Sawuri amabhökö ighoro yaache, akamobhoorera, “Oo mohiiri waane Sawuri, Omutëmi nantomiri ghokoocho, kubha otore korighi wiiki na wiichöribhu Akörö Ahörëëru. Omutëmi uyo niwe Yesu uno akorweriire mo‑nchëra, eriibhagha ore oraacha hano.”

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 10:14

Gho ghayo, abhasiighani bhaane, mwikabhaahe motasëngëra chasanaamu!

1 Abhakorinto 11:21

gho kubha, omooto woose naakurë ekiinyakurë keeche motaaghughanyana. Gho ghayo, abhamu ghate yaanyu mbaghusaagha na anchëra, na abhande mbarëëwuru.

1 Abhakorinto 5:13

kinya bhuno yandëkuru mo‑Mandëkö Amatööbhiyu kubha, “Inyu momoruusi wuure omobhe ghate yaanyu.” Amare bhano bhaanyi anche, Eryobha ndekobhatenera ekiina.

1 Abhakorinto 6:10

na abhiibhi, na abhasööhu, na abharëëbhi, na abhakobhooshani, na amanyangara, bhayo bhoose bhataakobhughabha obhutëmi bho Ryobha.

1 Abhakorinto 6:6

Amare inyu, moonyi na atëëmö e ghusëmana inyu bheene kwo bheene mo‑mabharacha, koru mo‑bhateni bha kiina bhano bhataanyi abhakumi!

1 Abhakorinto 6:9

Moteeche kubha abhaato abhabhe bhataakobhughabha obhutëmi bho Ryobha? Motingʼiina! Abhataari, abhaato bhano bhaghusëngëra chasanaamu, koru abhasubhe bhano bhakomisi na abhasubhe bhaghëndi bhaabho,

1 Abhakorinto 7:12

Ibheere neghosiikëra na abhakumi abhande. Amangʼana ghano nekobhugha n‑amiihëëbhö ghaane, taanyi amëërëkërëri gha Mutëmi Yesu. Aribha omosubhe omokumi, nakwiriri omukari uno taanyi omokumi, na omukari uyo niisheriiri kwëndërëra ghwikara nawe, atamotigha.

1 Abhakorinto 7:15

Amare omosubhe hamu omukari uno ataanyi omokumi arëënda ghutaana no omokumi uno akwirine nawe, omotighe akörë hangʼu. Hayo omokumi uyo taakubhöhu no obhokwirani bhoobho. Amare Eryobha ndetobherekiire kubha tumanye kwo murëmbë.

1 Abhakorinto 8:11

Gho nchëra iyo, omokumi mughëndi waacho uno ataamara aköngʼëri mo‑bhokumi, uno Kirisito akweriire, nakobhora gho ghiri e bhumënyi bhoocho.

Abhagharatiya 2:12

Eriibhagha Bheetero ahikiri hayo, naare araraaghëra haghirohamu na abhaato bha matöngö bhano bhaare bhakumiri. Amare hano abhaato nyarebhe bhahikiri koru o‑Yakobho, akiyaahura mo‑bhakumi bhayo, aghatigha kuraaghëra nabho. ꞉Naaköriri hangʼu, gho kubha ꞉naatiiniri abhaato bhano ꞉bhaare bharakumereri kubha, abhaato bhoose bhano bhakumi mbakwëndëru bhasaaru.

Abhaebheeso 5:18

Wiiki motarëëwu, gho kubha okurëëwu ngoghughëri omooto akörë amangʼana gha chaasoni. Amare inyu mwichoribhu na Akörö Ahörëëru.

Abhaebheeso 5:5

Mumënyë kubha obhwighombi bho bheghiro m‑bhonga ghusëngëra emisambu taanyi Eryobha. Mumanye kwo bhuhëënë kubha bhano bhaghwighomba ebheghiro, na abhataari na abhaghonchu, bhataaghusöha koru bhataaghughabha ghyokyose mo‑bhutëmi bho Kirisito na bho Ryobha.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

2 Abhatesaronike 3:14

Aribha omooto wowoose ataakwënda ghoghaghööta amaraghereri ghiito ghano ghaanyi mo‑nyaarubha ino, mubhe miisho no omooto uyo. Motaghöötana nawe kubha arighi chaasoni.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

2 Yohana 1:10

Mbe, aribha omooto wowoose akuucha ghokoonyu uno ataakweghi obhuhëënë ighoro e Kirisito, motamughënëhi mo‑chanyumba cheenyu, koru motamukëëri kinya Omokirisito mughëndi waanyu.

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.