1 Abhakorinto 4:21 - Eriiraghano Eriihë

²¹ Ibheere, mokwënda nikörë bhu? Kana, niiche bhowaanyu na ahimbo? Ghasi niiche mo‑bhosiighi na akörö e bhuhörëëru?

1 Abhakorinto 4:21 ပူးပေါင်းရင်းမြစ်များ

1 Abhakorinto 4:18

Ibheere abhande ghate yaanyu mbakwihacha, gho kubha mbaghwituuri kubha, nteekuucha wiiki iyo bhowaanyu.

1 Abhakorinto 5:5

Momoruusi omooto uyo ghate yaanyu, na komotigha mo‑bhukangati bho Rishambu, kubha asughara yaache e masari esireekereru, nawe omwene ache atooribhu orosiko ruure ro ghugharuka kwo Mutëmi Yesu.

2 Abhakorinto 1:23

Ghano neghosiikëra n‑gha mahëënë, koru Eryobha ndyeche! Ntigharokiri bhowaanyu iyo Korinto, gho kubha ntyëndiri kunyahaara emetema gheenyu.

2 Abhakorinto 10:6

Hano mookubha momosookiri inkongʼorimu, itu ntookubha tumariri ghwisëëma ghutëma anchagho amangʼana ghoose ghano ghataanyi gha sooko.

2 Abhakorinto 10:8

Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 12:18

꞉Neemusasaamiri Tiito nekamughöötani no omohiiri wiito owonde kubha ache bhowaanyu haghirohamu nawe. Ibheere, Tiito ꞉niimokiri ghyokyose koru ghokoonyu? Motaakorighi kubha eni na we ntoonyi egheghiro kimu mo‑moremo ghino? Wiiki motaakorighi kubha koru atëëmö yiito yoose n‑imu?

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 13:2

Hano niichiri bhowaanyu mara e kabhere, ꞉neebhabhooriire kubha, hano nekuucha bhowaanyu wiiki, nteekubha ne ebheghongi na abhaato bhano bhaköriri amasari. Ibheere nangabha neenyi kurë, ˆnekabhabhoorera riyo wiiki kubha, nteekubha ne bheghongi ghokoobho na kwo bhande bhoose.

2 Abhakorinto 2:1

Gho ghayo, ꞉neerooche mo‑motema waane kubha, netagharuka bhowaanyu, kubha netaghëri mubhe na amacheeche wiiki.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

2 Abhakorinto 3:10

Ibheere obhokumi obhokoro bho meghiro ghe Musa mbumariri koru‑ho, bhotaakurëngʼaana no obhokumi obhokoro bho Riiraghano Eriihë bhuno bhoonyi bhokoro bhobhe.

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

1 Abhatesaronike 2:7

Itu ntoore bhanyööhu ghokoonyu kinya bhuno omukari ahaarëra abhaana bhaache.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.