1 Abhakorinto 4:14 - Eriiraghano Eriihë

¹⁴ Nteekobhaandëkëra amangʼana ghano kobhasooki, amare nekwënda kobhashaangʼi kinya abhaana bhaane abhasiighani.

1 Abhakorinto 4:14 ပူးပေါင်းရင်းမြစ်များ

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

1 Abhakorinto 6:5

Neghosiikëra hangʼu kubha morighi chaasoni. Kana, ghate yaanyu taanyi‑ho koru omooto umu uno anyi na amangʼiini, uno aghotora ghotena ekiina ghate e mooto umu no omughëndi?

1 Abhakorinto 9:15

Amare eni ntiimara nsabha koru kimu mo‑bhino nirëngʼaaniire kuhaabhu. Wiiki ntyandëkiri hangʼu, kubha nihaabhu bhiyo ibheere. Ghokoone ngʼoni ghoku ghokera komuköra omooto anduusi okwihacha koone gho kuraghani Angʼana Anchömu kuno neghuköra ntaakorehu.

2 Abhakorinto 11:11

Nteeghosiikëra hangʼu gho kubha ntebhasiighiri, Eryobha ndyeche kubha nebhasiighiri.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 7:3

Nteeghosiikëra amangʼana ghano, kubha nebhatenere ekiina, gho kubha, kinya bhuno ꞉niimariri ghosiikëra kubha, inyu moonyi mo‑metema ghiito, koru ntoonyi haghirohamu na niinyu ibhe mo‑bhuhöru, hamu oroko.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

1 Abhatesaronike 2:11

Wiiki mweche kubha eriibhagha hano toore bhowaanyu ntoore torabhakörëra bhoose kinya bhuno taata ahabhakörëra abhaana bhaache. Ntoore torabhatoora omukörö na kobhakumeereri,

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

2 Abhatesaronike 3:14

Aribha omooto wowoose ataakwënda ghoghaghööta amaraghereri ghiito ghano ghaanyi mo‑nyaarubha ino, mubhe miisho no omooto uyo. Motaghöötana nawe kubha arighi chaasoni.

Bhiremooni 1:10

Neenyi ne eriisabhi rimu ghokoocho ighoro e Oneesimo. Iwe n‑kinya omoona waane, na neeni n‑kinya ishe, gho kubha nemotooriri komokumi Yesu Kirisito eriibhagha neenyi mwighërëcha.

1 Yohana 2:1

Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

3 Yohana 1:4

Ghetaanyi‑ho egheghiro kino gheghotegheri ghokera hano nekooghu kubha, abhaana bhaane mbakwëndërëra kumanya mo‑bhuhëënë.