1 Abhakorinto 4:12 - Eriiraghano Eriihë

¹² Ntoghuköra emeremo ghiito gho ghwiköngʼi chwee kwo mabhökö ghiito itu bheene. Hano abhaato bhaghototoka, ntokobhiitabheri. Hano bhaghotunyaaki, ntoghoghumereri.

1 Abhakorinto 4:12 ပူးပေါင်းရင်းမြစ်များ

Mataayo 5:11

“Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane,

Mataayo 5:44

Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

Ruuka 23:34

Yesu akabhugha, “Oo Taata! Obhaabhërë, gho kubha bhateeche kino bhaghuköra.” Bhakamara, abhaashirikare bhayo bhakahööha amaghööti gha Yesu gho ghoghatëmëra akuura.

Ruuka 6:28

Wiiki abhaato bhano bhakobhiihiima, inyu mobhiitabheri. Koru abhaato bhano bhakobhanyaaki, inyu mobhasabhere amachömu kwo Waryobha.

Yohana 15:20

Mohiite ghano ꞉neebhabhooriire kubha, ‘Omusësë taanyi omokoro ghokera omutëmi waache.’ Mbe, kinya bhanyaakiri eni, mbakobhanyaaki na niinyu wiiki. Amare aribha bhakumiri ameeghi ghaane, mbaghokumi na ghaghaanyu.

Amaköri gha Bhatomu 18:3

Mbe, gho kubha Bhawuro naare araköra omoremo o ghotuma amahëëma kinya ibho, niho aghiikara mo‑ka yaabho bhaakabha bharahöki haghirohamu.

Amaköri gha Bhatomu 20:34

Inyu bheene mweche kubha neere neraköra emeremo kwo mabhökö ghaane, gho ghiri e mënda ghaane, na gha bhaghëndi bhano toore haghirohamu nabho.

Amaköri gha Bhatomu 7:60

Akamara akabhuna ebheru, aghakuura kwo riiraka ikoro, “Omutëmi, otabharööna kwo masari ghaabho ghano.” Hano amariri kobhugha ghayo, aghaku.

Abharuumi 12:14

Mobhasabhere abhaato bhano bhakobhanyaaki, kubha Eryobha rebhiitabheri. Motabha morabhasabhera kubha bhiihiimu.

Abharuumi 12:20

Wiiki, Amandëkö Amatööbhiyu ngakobhugha ighoro e korehani asiire kubha, “Aribha omobhisa waacho anyi na anchëra, omuhë ebhiinyakurë. Wiiki aribha anyi na anyööta, omuhë ghe kunyo. Oraköra hangʼu, nookubha kinya omokomiire amakara gha mororo a‑mutu waache.”

Abharuumi 8:35

N‑egheghiro ke kino gheghotora ghotutaani no obhosiighi bho Kirisito? Ghetaanyi‑ho! Koru nangabha toonyi mo‑nyaako inkoro, hamu amacheeche, na ntonganyaakibhu, hamu ntongatëmu na anchëra, ntongasuuheru amaghööti, na ntongatingʼi kobhori obhuhöru, hamu ghwitu, Kirisito nakwëndërëra ghotosiigha.

1 Abhakorinto 9:6

Hamu n‑eni na Bharinaabha abheene, bhano tokwëndëru ghuköra emeremo kubha tubhönë ebheghiro gho ghiri e eriimanya riito?

2 Abhakorinto 11:8

Hano niköriri emeremo bhowaanyu, neere nerasongʼaana obhotoorereri bho chambiiri koru mo‑makanisa aghande. N‑kinya neere nerabhahöka ebheghiro bheebho, kubha nebhatoori inyu.

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

2 Abhatesaronike 3:8

koru totaraghiire ebhiinyakurë bhe mooto wowoose bhoowa. Amare ntoore toraköra emeremo gho ghwiköngʼi obhotiko no omwishe, kubha totamunyaaki omooto wowoose ghate yaanyu.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

1 Bheetero 2:23

Hano atokuru, tagharokiiri angʼana yoyoose. Hano anyaakiru, taasakiri korehani asiire, amare ꞉naaretighiire Eryobha ghoose, rino reghotena ekiina kwo bhuhëënë.

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

1 Bheetero 4:19

Gho ghayo, bhano bhakunyaaka gho ghuköra ghano Eryobha rekwënda, bhamënyë kubha Eryobha n‑Itëëmi na n‑ihëënë. Gho ghayo, bhiitoore mo‑mabhökö ghaache, bhëëndërërë ghuköra amachömu.

Yuuta 1:9

Koru Mikayeri, marayika omokoro, eriibhagha rino ꞉bhaagharokeriini na ghoshangʼaana ne Erishambu ighoro e mobhere o Musa, Mikayeri taasakiri ghotenera ekiina Erishambu gho koritëma amasörö. Amare akarebhoorera kubha, “Omutëmi Waryobha omwene akohiinye!”