1 Abhakorinto 4:10 - Eriiraghano Eriihë

¹⁰ Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

1 Abhakorinto 4:10 ပူးပေါင်းရင်းမြစ်များ

Mataayo 24:9

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Mataayo 5:11

“Ngʼoni inyu abhaato bharabhatoka na kobhanyaaki, na kobhaghamba kobhe kwo manga maaru gho ghiri yaane,

Ruuka 10:16

Akamara, Yesu akabhabhoorera abhaanabheegha bhaache akabhugha, “Omooto uno akobhatëghëërëra inyu, nantëghëëriire koru eni. Omooto uno akobhaanga inyu, koru eni nanyangiri. Wiiki uyo akonyanga eni, nakomwanga koru uno antomiri.”

Ruuka 18:9

Wiiki, Yesu akabhabhoorera eghetuubhaani kwo bhano ꞉bhiirooche kubha, ibho nibho bhaanyi no obhuhëënë ambërë e Ryobha, na kobhataraaha abhande bhoose. Akabhugha,

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 17:32

Mbe, hano bhooghwire kubha Bhawuro naghosiikëra ighoro e koryoka kwo bhaku, abhamu bhaghachëëra. Amare abhande bhakamobhoorera, “Ntokwënda ghoghutëghëërëra wiiki ighoro e ngʼana iyo.”

Amaköri gha Bhatomu 26:24

Hano Bhawuro are ariitachura, hayo hayo Bheesito aghasiikëra kwo riiraka ikoro arabhugha, “Oo Bhawuro! Kana m‑mochuuru onyi! Ghusöma koocho kwaru ˆghoghaghughëri ochuure!”

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

1 Abhakorinto 1:25

Nekobhugha hangʼu, gho kubha amangʼana ghano abhaato bhakorighi kubha n‑obhughëëghë bho Ryobha, ngaanyi na amangʼiini ghokera amangʼiini gha bhaato. Na amangʼana gha Ryobha ghano bhakorighi ghataanyi ni inguru, ngaanyi na changuru ghokera che bhaato.

1 Abhakorinto 10:12

Gho ghayo, uno akwirighi kubha niimeeriire bhoheene mo‑bhokumi, ichonge, ataacha ghugho.

1 Abhakorinto 2:14

Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

1 Abhakorinto 2:3

Eriibhagha riyo neere nenyuutiri, neere na ahaho, wiiki neere ndasingisa chwee.

1 Abhakorinto 3:18

Omooto wowoose ghate yaanyu atingʼiina kubha naanyi na amangʼiini. Aribha omooto akwirighi kubha naanyi na amangʼiini mo‑se ino, ngʼoni abhe muraghaanu kubha abhönë amangʼiini gha hëënë.

1 Abhakorinto 3:2

Ebhengʼwerere mbeekunyo amabhëërë agheene, bhetaakuhaabhu ebhiinyakurë bhe bhantomonkoro. Hangʼu hangʼu eni nebhaheere ameeghi amahoho gho kubha moore mokeere ghuköngʼëri. Koru ibheere mokeere ghuköngʼëri,

1 Abhakorinto 4:8

Ibheere mokwirighi mumariri kubhöna ebheghiro bhyose bhino mokwënda! Mumariri kwamiha! Mubheere abhatëmi, nangabha itu totaanyi abhatëmi! Ngʼoni aribha mongabheere abhatëmi bha hëënë, kubha itu tukangate haghirohamu na niinyu!

2 Abhakorinto 10:10

Neghosiikëra hangʼu, gho kubha abhande mbakobhugha, “Chanyaarubha che Bhawuro ncheenyi na amangʼana mahaari, wiiki ncheenyi na amangʼana amaköngʼu. Amare eriibhagha anyi haghirohamu na niitu abha ataanyi ni inguru, wiiki amangʼana ghaache ghano aghosiikëra ghabha ghataanyi na gheghiro.”

2 Abhakorinto 11:19

Inyu mokwirighi kubha moonyi no obhongo, nikyo gheghughëri moraghumereri koru abhaato abharaghaanu gho ghuchömëru.

2 Abhakorinto 11:29

Aribha omokumi wowoose abhoriri changuru, na neeni nekwiyoghu kobhori changuru. Aribha omokumi wowoose bhamorumeeriri, na neeni nekunyahaarëka.

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

2 Abhakorinto 4:12

Mbe, itu ntoonyi mo‑tabhaaribhaari e roko, amare gho kohetera ghayo inyu mokubhöna obhuhöru.

2 Abhakorinto 6:8

Itu ntokwiruusi gho ghiri e Ryobha, abhaato bhatoghongi hamu bhatutaraahe, bhatokumi hamu bhatughambe kobhe. Ntokorighibhu kubha m‑bharöngö toonyi, amare ntoghosiikëra gha mahëënë.

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.