1 Abhakorinto 3:8 - Eriiraghano Eriihë

⁸ Uno akwemi na uno akohomeerera bhoose mbarëngʼiine, Eryobha ndekomuha omooto woose atuho yaache, kurëngʼaana na kinya bhuno aköriri emeremo gheeche.

1 Abhakorinto 3:8 ပူးပေါင်းရင်းမြစ်များ

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Ruuka 19:19

Omutëmi akamobhoorera akabhugha, ‘Iye, neghokuha obhukangati ighoro e meghya etaano.’

Abharuumi 2:6

Orosiko ruyo, Eryobha ndekomoreha omooto woose kurëngʼaana na amaköri ghaache.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

1 Abhakorinto 3:14

Erabha emeremo ghe mooto gherasaagha, omooto uyo naghosongʼaana atuho.

1 Abhakorinto 3:7

Mbe, uno akwemi chaatëtërë taanyi egheghiro, koru uno akohomeerera, amare Eryobha rino reghokori niryo re ghwitëngʼëru.

1 Abhakorinto 3:9

Neghosiikëra hangʼu gho kubha eni na Abhooro ntoghuköra emeremo ghino ghe Ryobha haghirohamu, na niinyu n‑omoghondo o Ryobha moonyi, wiiki n‑anyumba yaache moonyi.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 9:7

N‑omoshirikare ke uno aghuye mwihë gho kwirehera omwene? N‑omoremi ke uno akwemi emisabhiibhu mo‑moghondo waache, uno ataakurë amakorobhese ghaache? Wiiki n‑omoriishi ke uno ataakunyo amabhëërë gha chaatugho cheeche?

Abhagharatiya 6:4

Omooto woose isunche atëëmö yaache omwene. Aribha omooto aghuköra amachömu, hayo naghotora kwihachera amangʼana amachömu ghano aköriri. Amare atirëngʼaani na amangʼana ghano omooto owonde aköriri,

Abhagharatiya 6:5

gho kubha omooto woose nakwëndëru ghughëgha omorigho waache omwene.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.

2 Yohana 1:8

Ibheere mwichonge inyu bheene, kubha motaacha kobhori emeremo ghino muköriri ambërë e Ryobha, amare mubhönë atuho e hëënë.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Obhohunyurëru 22:12

Yesu nakobhugha, “Mööhi! Nekuucha bhwango. Nekuucha nemorehe omooto woose kurëngʼaana na amaköri ghaache.