1 Abhakorinto 3:5 - Eriiraghano Eriihë

⁵ Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

1 Abhakorinto 3:5 ပူးပေါင်းရင်းမြစ်များ

Mataayo 25:15

Akamuha kira omusësë kurëngʼaana no obhotoro bhooche. Akamuha o mumbërë chataranta ishaano, no o kabhere chataranta ibhere no o ghatato ataranta imu, akamara aghaköra orughëndö.

Ruuka 1:2

Amangʼana ghayo, ꞉mbaaghaandëkiri kinya ꞉toobhooriiru na abhaato bhaare bhagharooche korwera simoka e meremo ghe Yesu. Wiiki nibho ꞉bhaare bharasanchi angʼana e Ryobha.

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Amaköri gha Bhatomu 18:24

Kwo riibhagha riyo mo‑moghya uyo o Ebheeso, akahika‑ho Omuyahuuti umu, eriina reeche Abhooro, omwibhoru o mo‑moghya o Arekisantiriya. Abhooro uyo naare musubhesubhe chwee gho ghosiikëra, naare eche chwee ghaare ghaanyi mo‑Mandëkö Amatööbhiyu.

Amaköri gha Bhatomu 19:1

Eriibhagha rino Abhooro are hayo Korinto, Bhawuro nawe akabha araheta mo‑meghya ghe mo‑bheghoro, akahiringitera mo‑moghya o Ebheeso. Hano are hayo, aghatëmëërana na Abhakirisito abhande,

Abharuumi 15:16

kubha nibhe omutamishi o Kirisito Yesu kwo bhaato bha matöngö. Nihaabhuru emeremo ghe bhuchaama ghe kobharaghaneri Angʼana Anchömu koru kwo Waryobha, kubha bhabhe kinya amaruusi ghano ghakoretegheri Eryobha, ghano ghamusuru na Akörö Ahörëëru.

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 16:12

Ibheere, ighoro e mokumi mughëndi wiito Abhooro, nemusasaamiri chwee kubha ache bhowaanyu haghirohamu na abhakumi abhande. Amare iwe tasiighiri inkongʼorimu kuucha ibheere. Nakuucha eriibhagha rino akubhöna omweya.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 3:22

ibhe neeni Bhawuro, abhe n‑Abhooro, hamu Keebha. Wiiki Eryobha ndebhaheere ebheghiro bhyose kobhatoori, bhibhe bhe hano mo‑se, hamu obhuhöru, hamu oroko, bhibhe bhino bheenyi‑ho ibheere, hamu bhino bheekubha‑ho, bhyose m‑bhebheenyu.

1 Abhakorinto 3:7

Mbe, uno akwemi chaatëtërë taanyi egheghiro, koru uno akohomeerera, amare Eryobha rino reghokori niryo re ghwitëngʼëru.

1 Abhakorinto 9:17

Aribha nengabheere neraköra emeremo ghino kwo miigha ghaane eni omwene, nengiitëngʼiire kubhöna atuho. Amare taanyi hangʼu ghokoone, gho kubha Eryobha ndeheere emeremo ghino kwo mënda ghaache, kubha neghikörë.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

2 Abhakorinto 3:3

Mokwërëki haheero kubha inyu niinyu anyaarubha e Kirisito, ino ekwërëki emeremo ghino tuköriri ghokoonyu. Anyaarubha iyo tyandëkuru no obhwino, amare yandëkuru na Akörö e Ryobha rino reenyi ihöru. Wiiki tyandëkuru mo‑mabhohe amachanchaare, amare ino, yandëkuru mo‑metema ghe bhaato.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

2 Abhakorinto 4:1

Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

2 Abhakorinto 5:18

Ghano ghoose ngakorwera kwo Waryobha uno ꞉atomiri Kirisito atutëmëërani itu nawe. Na niitu natoheere emeremo ghe kuraghani obhoghwani bhuyo.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

2 Abhakorinto 6:4

Amare mo‑ghoose, ntokwërëki kubha itu n‑abhatamishi bha Ryobha toonyi. Ntokwërëki riyo gho nchëra e ghoghumereri chwee mo‑nyaako, na mo‑nyööri na mo‑mangʼana amaköngʼu.

Abhaebheeso 3:7

Mbe, eni ꞉niiköruru kubha omutamishi o kuraghani Angʼana Anchömu, gho kihaano ghe ghareeya e Ryobha kino ꞉reeheere gho kurëngʼaana no obhotoro bhooche.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhakorosaayi 1:25

Eryobha ndentooriri eni kubha omutamishi o riikanisa riyo, kubha nebharëëtërë angʼana yaache kebhuno enyi.

1 Timotewo 1:12

Nekomwitabheri Kirisito Yesu Omutëmi wiito, gho kubha ꞉naandooche kubha muhëënë neenyi, akanyaahura kubha omutamishi waache na kuuha obhotoro bho ghuköra emeremo gheeche. Nekomwitabheri, gho kubha ꞉naandooche kubha nekurëngʼaanera kubha omutamishi waache,

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.