1 Abhakorinto 3:4 - Eriiraghano Eriihë

⁴ Neghosiikëra hangʼu gho kubha omooto woose nakobhugha ghaghaache, umu nakobhugha kubha, “Eni n‑o Bhawuro,” owonde nakobhugha kubha, “Eni n‑o Abhooro.” Kana, ibheere ghayo ghataakwërëki kubha, mokeere moraköra kinya abhaato bha mo‑se?

1 Abhakorinto 3:4 ပူးပေါင်းရင်းမြစ်များ

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

1 Abhakorinto 4:6

Abhahiiri bhaane, nebhughiri amangʼana ghayo ghoose ighoro yaane na Abhooro, kubha tubhe eghetuubhaani gho ghiri yaanyu. Kurëngʼaana ne eghetuubhaani kiyo, mumënyë ghano ghaghughambu mo‑kirëngi kino, “Motakera ghano ghaandëkuru mo‑Mandëkö Amatööbhiyu.” Aribha moraghööta ekirëngi kiyo, taakubha‑ho omooto wowoose uno akwihachera omooto umu na komutaraaha owonde.

Abhagharatiya 1:11

Abhahiiri bhaane, nekwënda mumënyë kubha, Angʼana Anchömu ino eni nekobharaghaneri teruure mo‑bhaato.