1 Abhakorinto 3:15 - Eriiraghano Eriihë

¹⁵ Erabha omoremo o mooto orahe, hayo nakobhori atuho, amare iwe omwene naghotooribhu, nangabha n‑kinya omooto uno ahoniire ro kinyonyi ghusöha mo‑mororo o ghoteneru ekiina.

1 Abhakorinto 3:15 ပူးပေါင်းရင်းမြစ်များ

Amaköri gha Bhatomu 27:21

Abhaato bhayo, bhakamara chaasiko chaaru mo‑nyancha iyo bhataakurë egheghiro, Bhawuro akiimeerera ghateghate yaabho, akabhabhoorera akabhugha, “Inyu abhasooku bhano, kwo riibhagha riire ꞉neebharwachiri iyo Kireete kubha totaru hayo, moore mörëëndëru muntëghëërërë. Aribha mongantëghëëriire, ebheghiro bheenyu bhetangasarëkiri hangʼu.

Amaköri gha Bhatomu 27:44

Bhano bhaghusaagha bhiimoki chambaawe, hamu ebheteneka bhe meeri iyo, bhatëënyërë. Mbe, niho itu bhoose toghatëënya tokahika mo‑se ayoomu toonyi abhahöru.

1 Bheetero 4:18

Amandëkö Amatööbhiyu ngakobhugha kubha, “Aribha n‑ghuköngʼu kwo bhano bhaanyi abhahëënë ghotooribhu, kana, nibhu ekubha kwo bhano bha masari bhano bhataakoresooka Eryobha?”

2 Yohana 1:8

Ibheere mwichonge inyu bheene, kubha motaacha kobhori emeremo ghino muköriri ambërë e Ryobha, amare mubhönë atuho e hëënë.

Yuuta 1:23

Abhande mobhatoori gho kobhasara koru mo‑mororo o ghoteneru ekiina. Amare abhande mobharigheri changori, na mwikabhaahe, na mwisache no obhobhe bhoobho bhoose.

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.