1 Abhakorinto 3:13 - Eriiraghano Eriihë

¹³ ne emeremo ghe mooto woose ngekorighibhu kubha nibhu gheere. Orosiko ruure ro ghoteneru ekiina emeremo ghyose ngeghotooru haheero, gho kubha emeremo ghe mooto woose, ngekurëngu kwo mororo o ghotenera ekiina.

1 Abhakorinto 3:13 ပူးပေါင်းရင်းမြစ်များ

Mataayo 10:15

Mahëënë ˆnekabhabhoorera kubha orosiko ro ghoteneru ekiina, ndekobhatenera ekiina abhaato bha moghya uyo kwo bhororo ghokera abhaato bha se e Sotoma na Ghomora.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Ruuka 2:35

gho ghayo, amiihëëbhö gha emetema ghe bhaato bhaaru ngeekubha haheero. Niiye mo‑motema waacho nokooghu obhororo chwee, kinya ongʼuturu ne ekinyamiino.”

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

Abharuumi 2:5

Iye noonyi no omutu muköngʼu, wiiki nokwanga ghotuukuunera amasari ghaacho. Gho ghayo, noghwikomera anchagho e rosiko runo Eryobha reghotena ekiina keeche kwo bhuhëënë.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

1 Abhakorinto 3:12

Ighoro e bhoroso bhuyo, omooto naghotora kwabhëka gho sahaabhu, kwo bhyoma, hamu kwo mabhohe gha riighori ikoro, na kwo mete, na kwo bhunyaaki, hamu kwo mato,

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 1:18

Na niiye weeche bhoheene, amangʼana maaru ghano anköriire mo‑moghya o Ebheeso. Omutëmi Yesu amusabhere Onesibhooro ebheghongi kwo Mutëmi Waryobha orosiko ro ghoteneru ekiina.

2 Timotewo 3:9

Amare bhataaghotora kohika hohoose, gho kubha obhughëëghë bhoobho mbokumënyu na abhaato bhoose, kinya bhuno ere kwo Yaane na Yambure.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Abheebhuraaniya 10:25

Totatigha chaasughara chiito che ghutëmëërana haghirohamu kwo masabhi kinya bhuno abhaato abhande bhaghuköra. Amare twëndërërë ghotoorana omukörö itu bheene kwo bheene ghokera bhuno toore toraköra, gho kubha ntweche kubha orosiko ro ghugharuka kwo Mutëmi ˆroghatingʼi.

1 Bheetero 1:7

Amasaki ghayo ngakurëngi obhokumi bhoonyu bhorighibhu kubha m‑bho hëënë. Asahaabhu ayeene ne egheghiro kino kehaasakibhu gho ghweku no omororo, nangabha ehaasarëka. Hangʼu hangʼu obhokumi bhoonyu bhuno bhoonyi bho riighori ikoro ghokera asahaabhu, mbokwëndëru bhurëngu, bhorighibhu kubha m‑bho hëënë. Hayo Yesu Kirisito nakobhaha aghongo, no obhokumi obhokoro na asooko, orosiko runo akuucha kwiyërëkani haheero.

1 Bheetero 4:12

Abhasiighani bhaane, motahagha ighoro e masaki mahaari ghano ghakorwera ghate yaanyu ghusaki obhokumi bhoonyu. Motarighi kinya n‑egheghiro ghighëni kino ghekobhabhöna.

2 Bheetero 3:10

Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

Obhohunyurëru 20:12

Nekarighi abhaku bhoose, bhano bhaanyi ne emyeya na bhano bhataanyi ne emyeya bhiimeeriire ambërë e eghetumbe kiire ghe ghitëmi. Niho ebhitabhu bhino bhyandëkuru amaköri gha bhaato bhoose bhekahunyuru. Wiiki eghitabhu ekende ghekahunyuru, kiyo n‑Eghitabhu ke Bhuhöru keere. Abhaku bhayo ꞉mbaateniiru ekiina kurëngʼaana na amaköri ghaabho ghano ꞉ghaandëkuru mo‑ghitabhu muyo.