1 Abhakorinto 3:10 - Eriiraghano Eriihë

¹⁰ Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 3:10 ပူးပေါင်းရင်းမြစ်များ

Mataayo 24:45

Yesu akabhabhoori abhaanabheegha bhaache akabhugha, “Mbe, n‑niwe omusësë omuhëënë wiiki uno anyi na amangʼiini? N‑omusësë uno omutëmi waache amotooriri kubha omwimeerereri o bhasësë abhande mo‑ka yaache, kubha abhe arabhaha ebhiinyakurë kwo riibhagha rino rirëngʼaaniire.

Mataayo 7:24

“Mbe, omooto wowoose uno akooghu amangʼana ghaane na ghoghaköra, natuubhiine no omooto uno anyi na amangʼiini uno abhëkiri anyumba yaache mwitare.

Ruuka 11:35

Mbe, numööhi emirëngaari ghino gheenyi moose yaacho, ghetaacha kubha ekengʼuuri!

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Amaköri gha Bhatomu 18:27

Akamara Abhooro akëënda ghuye mo‑mukööwa o Akaaya. Abhakirisito abhaghëndi bhaache bhakamwisherereri, bhakabhaandëkëra abhaghëndi bhaabho bha iyo anyaarubha kubha bhamughënëhi bhoheene. Hano ahikiri iyo, akabhatoori chwee bhano ꞉bhaare bharamokumi Yesu gho ghareeya e Ryobha.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

Abharuumi 15:15

Koru hangʼu, nabhaandëkiire amangʼana aghande mo‑nyaarubha ino kwo bhosubhesubhe, kubha nebhahiiti amangʼana ghayo. Niköriri hangʼu, kurëngʼaana na aghareeya ino Eryobha reheere,

Abharuumi 15:20

Mo‑ghayo ghoose, neghwiköngʼi kuraghani Angʼana Anchömu ahaghiro hano abhaato bhataamara bharaghaneru angʼana ighoro e Kirisito. Neghuköra hangʼu, kubha netagharukera ghusëëmi emeremo obhuhë ahaghiro hano omooto owonde amariri ghuköra.

1 Abhakorinto 3:11

gho kubha obhoroso bhuno mbumariri kwabhëku n‑Yesu Kirisito omwene. Taanyi‑ho omooto uno aghotora kwabhëka obhoroso obhonde.

1 Abhakorinto 9:2

Koru aribha abhaato abhande bhakorighi kubha eni taanyi omotomu neenyi, amare eni ghokoonyu n‑omotomu, gho kubha obhokumi bhoonyu mo‑Kirisito n‑ekingʼöchö kino ghekwërëki kubha eni netomuru no Omutëmi.

2 Abhakorinto 10:15

Wiiki totaakwihachera emeremo ghe bhaato abhande ghino totahaabhuru. Amare ntoghwitëngʼëra kubha, kinya bhuno obhokumi bhoonyu bhokwëndërëra kwiyëngëra chwee, nibhu emeremo ghiito ghateghate yaanyu gheekubha gheriyëngëra.

Abhaebheeso 2:20

Inyu mubheere kinya anyumba ino yabhëkuru ighoro e bhoroso. Abhatomu na abharööti ibho n‑kinya obhoroso bho nyumba iyo. Kirisito Yesu niwe eriibhohe ikoro re bhoroso.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhakorosaayi 4:17

Momobhoorere Arikibho kubha, ahiki bhoheene emeremo ghino Omutëmi amoheere.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

1 Timotewo 4:16

Wëndërërë ghochonga atëëmö yaacho na ameeghi ghaacho. Örëëndërëra ghuköra hangʼu, noghwitoori iye omwene na bhano bhaghoghutëghëërëra.

2 Timotewo 2:15

Wiköngʼi kweghi angʼana e hëënë, kinya bhuno ekwëndëru kwo Ryobha. Hayo nookubha omuhöki o meremo uno ataanyi na chaasoni gho ghiri e meremo gheeche. Ghuköra hangʼu niko Eryobha reghwishereri.

Yakobho 3:1

Abhahiiri bhaane, motabha abheeghi bhaaru, kinya bhuure mweche kubha itu abheeghi, Eryobha ndeghototenera ekiina ghokera abhande.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

2 Bheetero 3:15

Mumënyë kubha Omutëmi nakobhaghumereri kubha mubhönë omweya o ghotooribhu. Hangʼu nibhu omohiiri wiito Bhawuro omosiighani ꞉abhaandëkiire gho kuhökëri mangʼiini ghano Eryobha ꞉reemoheere.

Obhohunyurëru 21:14

Eribhendo riyo re moghya ndeere ryabhëkuru ighoro e mabhohe ikomi na abhere gha bhoroso. Na kira riibhohe ndeere ryandëkuru eriina re umu ghate e bhatomu bhaare ikomi na bhabhere bha Moona o Ngʼöndu.

Obhohunyurëru 21:19

Obhoroso bho ribhendo riyo re moghya ndeere richöchuru na amabhohe gha riighori gha manga haghare haghare. Eriibhohe e rimbërë ndeere yasibhi, na re kabhere ndeere yakuti samawati, na re ghatato ndeere kariketoni. Eriibhohe re kane ndeere sumariti,