1 Abhakorinto 2:14 - Eriiraghano Eriihë

¹⁴ Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

1 Abhakorinto 2:14 ပူးပေါင်းရင်းမြစ်များ

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Yohana 10:20

Abhaaru ghate yaabho bhakabhugha, “Uno naanyi no omusambu wiiki m‑mochuuru. Ghwake mokomutëghëërëra?”

Yohana 12:37

Koru nangabha Yesu ꞉aköriri ebhyërëkërëri bhyaru ambërë yaabho, abhaato bhaaru bhataamokumiri.

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Yohana 8:43

Ngwake motaakumënya ghano nekobhabhoorera? N‑gho kubha mokwanga ghutëghëërëra amangʼana ghaane.

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 17:32

Mbe, hano bhooghwire kubha Bhawuro naghosiikëra ighoro e koryoka kwo bhaku, abhamu bhaghachëëra. Amare abhande bhakamobhoorera, “Ntokwënda ghoghutëghëërëra wiiki ighoro e ngʼana iyo.”

Amaköri gha Bhatomu 18:15

Mbe, gho kubha mokuhakaana kwo mangʼana hangʼu, na kwo mariina, na kwo meghiro gheenyu, moghamare inyu bheene. Eni nteekwënda kubha omoteni o kiina o mangʼana ghano.”

Amaköri gha Bhatomu 25:19

Ibho mbaare bharahakaana nawe ighoro e mangʼana na amabhoori gha tiini yaabho, ni ighoro e mooto umu uno akuure, eriina reeche Yesu, amare Bhawuro akabha arabhugha kubha m‑muhöru.

1 Abhakorinto 1:18

Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

1 Abhakorinto 1:25

Nekobhugha hangʼu, gho kubha amangʼana ghano abhaato bhakorighi kubha n‑obhughëëghë bho Ryobha, ngaanyi na amangʼiini ghokera amangʼiini gha bhaato. Na amangʼana gha Ryobha ghano bhakorighi ghataanyi ni inguru, ngaanyi na changuru ghokera che bhaato.

1 Abhakorinto 15:44

Uno okoryeku, n‑omobhere uno toonyi nawe, amare uno okoryokibhu, n‑omobhere omuhë o Mwishaaro. Noonyi‑ho omobhere uno toonyi nawe, wiiki noonyi‑ho omobhere omuhë o Mwishaaro.

1 Abhakorinto 15:46

Amare omobhere uno oghushama n‑uno toonyi nawe, oramara nokuucha omobhere omuhë o Mwishaaro.

1 Abhakorinto 2:12

Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

1 Abhakorinto 3:1

Bhahiiri bhaane, eriibhagha rino neere bhowaanyu ntesiikiire na niinyu kinya abhaato bhano bhaghukangatu na Akörö Ahörëëru. Amare nesiikiire na niinyu kinya abhaato bhano bhaghukangatu na simoka yaanyu e masari, wiiki kinya ebhengʼwerere mo‑bhokumi bhoonyu na Kirisito.

Yakobho 3:15

Amangʼiini ghanga ghayo, ghataakoru kwo Waryobha, amare n‑amangʼiini amabhe ghano ghakorwera mo‑se, na mo‑chaasughara che bhaato na mo‑Rishambu.

1 Yohana 2:20

Amare inyu, Omutööbhiyu Yesu nabhaheere Akörö yaache, ibheere inyu bhoose mweche obhuhëënë.

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Yuuta 1:19

Abhaato bhayo nibho bhakurëëta obhwahukani, mbaghwituuri amangʼana gha mo‑se agheene, bhataanyi na Akörö e Ryobha.