1 Abhakorinto 16:16 - Eriiraghano Eriihë

¹⁶ mubhe morabhasooka abhaato kinya bhayo, na abhande bhoose bhano bhaghuköra emeremo ghiyo haghirohamu nabho gho ghwiköngʼi.

1 Abhakorinto 16:16 ပူးပေါင်းရင်းမြစ်များ

Abharuumi 16:12

Momukëëri Taribhayina na Tiribhosa. Abhakari bhayo mbaghwiköngʼi chwee ghuköra emeremo ghe Mutëmi Yesu Kirisito. Wiiki, momukëëri omosiighani waane Bherisiisi. Uno woose n‑omukari uno iköngʼi chwee ghuköra emeremo ghe Mutëmi Yesu Kirisito.

Abharuumi 16:3

Momukëëri Bhirisira haghirohamu na omosubhe waache Akiira. Bhayo n‑abhatamishi abhaghëndi bhaane mo‑moremo ghe Kirisito Yesu.

Abharuumi 16:6

Momukëëri Mariyamu uno iköngʼiri chwee ghuköra emeremo gho ghiri yaanyu.

Abharuumi 16:9

Momukëëri Wuribhano, omutamishi mughëndi wiito mo‑moremo ghe Kirisito, na koru omosiighani waane Sitaku woose momukëëri.

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 3:9

Neghosiikëra hangʼu gho kubha eni na Abhooro ntoghuköra emeremo ghino ghe Ryobha haghirohamu, na niinyu n‑omoghondo o Ryobha moonyi, wiiki n‑anyumba yaache moonyi.

Abhaebheeso 5:21

Mubhe morasookana inyu bheene kwo bheene, gho kubha mokomosooka Kirisito.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

1 Abhatesaronike 5:12

Ibheere bhahiiri bhiito, ntokobhasabha mobhasooke bhano bhakobhatoori inyu, na kobhakangata kwo bhukangati bho Mutëmi Yesu na kobhatöngëra.

1 Timotewo 5:17

Abhagharuka bhano bhakwimeererera eriikanisa bhoheene, bhasooku na korehu bhoheene, ahanene bhano bhakwiruusi kuraghani na kweghi abhaato.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

Abheebhuraaniya 13:24

Mobhakëëri abhakangati bhaanyu na abhakumi bhoose bhano moonyi nabho iyo. Abhakumi koru mo‑se e Itaariya mbakobhakëëri.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

3 Yohana 1:8

Gho ghayo, itu ntokwëndëru kobhatoori abhaato kinya bhayo. Gho ghuköra hangʼu, ntookubha tughöötiine haghirohamu nabho mo‑meremo ghe kuraghani obhuhëënë.

Obhohunyurëru 2:3

Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.