1 Abhakorinto 16:14 - Eriiraghano Eriihë

¹⁴ Amangʼana ghaanyu ghoose mubhe moraköra kwo bhosiighi.

1 Abhakorinto 16:14 ပူးပေါင်းရင်းမြစ်များ

Yohana 15:17

Mbe, nekabhahatëka inyu kubha, mosiighane.”

Abharuumi 14:15

Gho ghayo, aribha iye gho kurë ekiinyakurë nyarebhe ngoghughëri omokumi mughëndi waacho abhe na amacheeche mo‑motema waache, hayo nookubha otaanyi no obhosiighi kwo mughëndi waacho. Mbe, otiishereri kubha, gho nchëra e kiinyakurë keecho, omobhori omooto uno Kirisito akweriire!

1 Abhakorinto 12:31

Mbe, mwiköngʼi kubhöna ebhihaano bhekoro. Amare ibheere nekwënda nëbhëërëki anchëra anchömu koheta choose.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Abhakorinto 16:15

Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

1 Abhatesaronike 3:6

Ibheere Timotewo hano ichiri koru bhowaanyu, aghatobhoorera amangʼana amachömu gha bhokumi no obhosiighi bhoonyu. Aghatobhoorera kubha ˆmoghotohiita chwee gho chaasiko choose, wiiki mubheere na amiigha gha ghotorighi, kinya bhuure itu tubheere na amiigha gha kobharighi.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.