1 Abhakorinto 16:11 - Eriiraghano Eriihë

¹¹ Omooto wowoose atamutaraaha. Amare momusakeri atanure iyo kwo murëmbë, kubha atore ghugharuka ghokoone, gho kubha eni nekomughanya haghirohamu na abhakumi bhaghëndi bhiito.

1 Abhakorinto 16:11 ပူးပေါင်းရင်းမြစ်များ

Ruuka 10:16

Akamara, Yesu akabhabhoorera abhaanabheegha bhaache akabhugha, “Omooto uno akobhatëghëërëra inyu, nantëghëëriire koru eni. Omooto uno akobhaanga inyu, koru eni nanyangiri. Wiiki uyo akonyanga eni, nakomwanga koru uno antomiri.”

Amaköri gha Bhatomu 15:3

Mbe, niho abhaato bhayo bha mo‑kanisa e Antiyokiya bhakabharagha. Ibheere Bhawuro na abhaghëndi bhayo bhakaheta mo‑mikööwa ghe Bhoyinike na Samaariya, bhaakabha bharabhabhoorera kinya abhaato bha matöngö bhamokumiri Yesu. Angʼana iyo ekabhategheri chwee Abhakirisito abhaghëndi bhaabho bhoose bha iyo.

Amaköri gha Bhatomu 15:33

Bhaache ghwikara iyo kwo riibhagha, Abhakirisito bhayo bhakabhiisherereri kubha bhagharuke mo‑bhaato bhano ꞉bhaare bhabhatomiri kwo murëmbë.

1 Abhakorinto 16:10

Timotewo araacha bhowaanyu, momughënëhi bhoheene, kubha ikare ataanyi na ahaho, gho kubha iwe naghuköra emeremo ghe Mutëmi kinya eni.

1 Abhakorinto 16:6

Hano nekuucha, nyaghwisha neghwikara na niinyu kwo riibhagha nyarebhe, hamu koru kwo riibhagha ryose re nyighita, kubha munsakeri kwëndërëra no orughëndö roone, hohoose hano neeghuye.

2 Abhakorinto 1:16

꞉Nyëëndiri koheta iyo bhowaanyu, eriibhagha re ghuye mo‑mukööwa o Maketoniya, wiiki ne eriibhagha re koru iyo, kubha munsakeri mo‑rughëndö roone ro ghuye mo‑mukööwa o Yuteya.

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Tiito 2:15

Mbe, ubhe oreeghi amangʼana ghayo ghoose. Wishereriiru kobhaköngʼi na kobhatöngëra abhaato kwo bhotoro bhoose. Gho ghayo, omooto wowoose ataghutaraaha.

3 Yohana 1:6

Abhaato bhayo mbabhabhooriire abhaato bha riikanisa re hano ighoro e bhosiighi bhoocho. Neghoghusasaama, wëndërërë kobhatoori kinya bhuure eghuchömëri Eryobha, kubha bhëëndërërë no orughëndö roobho.