1 Abhakorinto 15:53 - Eriiraghano Eriihë

⁵³ Neekubha hangʼu, gho kubha omobhere uno oghusarëka nokwëndëru wiigharure ubhe omobhere uno otaaghusarëka, omobhere uno oghoku wiigharure kubha omobhere uno otaaghoku.

1 Abhakorinto 15:53 ပူးပေါင်းရင်းမြစ်များ

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abhagharatiya 3:27

Inyu bhoose bhano mubhatiisuru, mughöötiine na Kirisito, mubheere kinya momobheekiri Kirisito.

Abhaebheeso 4:24

Mwitoorere asughara ahë, ino ꞉itëëmuru gho tëëmö e Ryobha. Atëëmö iyo nekorighibhu gho ghuköra ghano iryo rekwënda na kubha no obhutööbhiyu.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.