1 Abhakorinto 15:43 - Eriiraghano Eriihë

⁴³ Hano omobhere okoryeku, nohaataraahu, amare hano okoryokibhu nookubha na atëëmö e bhokumi obhokoro. Hano okoryeku, nohaabha otaanyi ni inguru, amare hano okoryokibhu nookubha na changuru.

1 Abhakorinto 15:43 ပူးပေါင်းရင်းမြစ်များ

Mataayo 13:43

Mbe, abhaato bhoose bhano bhaanyi no obhuhëënë ambërë e Ryobha, mbaakubha bhararëngaari kinya eryobha mo‑bhutëmi bhwi Ishe waabho. Omooto wowoose uno anyi na amatu gha kooghu, no oghu!

Yohana 8:49

Yesu akabhagharokeri akabhugha, “Eni ntighöötë omusambu. Eni nemosookiri Taata, amare inyu moghuntaraaha eni.

1 Abhakorinto 6:14

Wiiki, Eryobha ndeghotoryoki itu kwo bhotoro bhooche, kinya bhuno remoryokiri Omutëmi Yesu koru mo‑bhaku.

2 Abhakorinto 13:4

M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

Abhakorosaayi 3:4

Obhuhöru bhoonyu mbokurëëtu na Kirisito. Eriibhagha rino akorighibhu, niho na niinyu moghusanga haghirohamu nawe mo‑bhokumi bhooche obhokoro.