1 Abhakorinto 15:3 - Eriiraghano Eriihë

³ Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

1 Abhakorinto 15:3 ပူးပေါင်းရင်းမြစ်များ

Mataayo 26:24

Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Ruuka 24:25

Yesu akabhabhoorera akabhugha, “Aa! Inyu m‑bhaghëëghë moonyi! Neke moonyi bhaköngʼu mo‑chaakörö cheenyu ghokumi koru ghano ꞉ghaasiikiiru na abharööti?

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Amaköri gha Bhatomu 17:2

Bhawuro akabha arasöha mo‑risinaghooghi, kinya ere asughara yaache. Akabha arabhoorera abhaato koru mo‑Mandëkö Amatööbhiyu ighoro e Kirisito. ꞉Naaköriri hangʼu chaasiko choose che Riikane, gho chawiiki ishato,

Amaköri gha Bhatomu 3:18

Amare, ghayo ꞉ngaabheere hangʼu kubha Eryobha rehikeerani amangʼana ghano riröötiri gho nchëra e bharööti bhaache bhoose kubha, Kirisito waache nakunyaakibhu.

Amaköri gha Bhatomu 8:32

Amandëkö ghano are arasöma, nigho ghano, “꞉Naakangaturu kinya angʼöndu ino eghuye ghosinchu. Aghakira kiri, kinya omoona o ngʼöndu ahaakira hano akubha aranungu amachööki.

Abharuumi 3:25

Eryobha ndemuköriri Yesu abhe amaruusi gha ghutëmëërani abhaato ne Eryobha, kubha bhaabhëru amasari ghaabho, gho ghokumi kubha Yesu ꞉naakuure gho ghiri yaabho. Eryobha ꞉ndiiköriri hangʼu, kubha ryërëki kubha iryo n‑ihëënë, ndekurööna bhano bhaanyi na amasari. Mööhi, iryo retabharööniri kwo masari ghaabho ghano ꞉bhaaköriri eriibhagha re hayo ekeenyuma.

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

1 Abhakorinto 11:2

Nekobhaghongi gho kubha mohiitiri mo‑mangʼana ghoose, na ghughööta ameeghi ghano ꞉neebhaheere.

1 Abhakorinto 11:23

Ameeghi ghano nesongʼaaniri koru kwo Mutëmi Yesu, nigho ꞉neebhaheere inyu kubha, obhotiko bhuure Yesu igharoriinu, akiimoki omughaate,

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Abhagharatiya 1:12

Angʼana ino ntihaabhuru no omooto wowoose, koru ntyeghuru no omooto wowoose. Amare Yesu Kirisito omwene niwe ahunyuriire.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abheebhuraaniya 5:1

Kira Omuchaama Omokoro naare araahoru koru mo‑bhaghëndi bhaache, kubha imeererere amangʼana gha Ryobha gho ghiri e bhaato. Wiiki iwe nahaaruuseri Eryobha amaruusi na chatyenyi che ghosireekereri gho ghiri e masari gha bhaato.

Abheebhuraaniya 5:3

Kiyo nikyo, gheghughëri aruusi amaruusi gho ghiri e masari ghaache omwene, na aramara aruusi amaruusi aghande gho ghiri e masari gha bhaato abhande.

1 Bheetero 1:11

Akörö e Kirisito neere moose yaabho, ꞉niiröötiri kubha Kirisito nakunyaakibhu, ne eramara koheta anyaako iyo, nakubhöna obhokumi obhokoro. Abharööti bhayo ꞉mbiiköngʼiri chwee ghwisuncha bhamënyë kubha, amangʼana ghayo ngaakubha nyingake, na nibhu ghakomubhöna.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.