1 Abhakorinto 15:20 - Eriiraghano Eriihë

²⁰ Amare ibheere, obhuhëënë n‑kubha Kirisito naryokiri koru mo‑bhaku, na niwe o mumbërë koryoka kwo bhano bhakuure.

1 Abhakorinto 15:20 ပူးပေါင်းရင်းမြစ်များ

Amaköri gha Bhatomu 2:24

Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!

Amaköri gha Bhatomu 26:23

Ibho ꞉mbaabhughiri kubha, Kirisito nakwëndëru anyaakibhu, wiiki abhe niwe o mumbërë koryoka koru mo‑bhaku, gho ghiri araghani kubha, obhwero bho bhotoori ˆbhokabharëngaareri abhaato bhoose, Abhayahuuti na abhaato bha matöngö.”

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

1 Abhakorinto 15:23

Amare omooto woose nakoryokibhu kwo riibhagha reeche, Kirisito niwe o mumbërë koryoka, na bharamara mbakoryokibhu abhaato bhaache, eriibhagha rino akuucha.

1 Abhakorinto 15:6

Akamara akiyëërëkani kwo bhakumi bhano ꞉bhaare haghirohamu, mbaare bharakera amaghana ataano. Abhaaru ghate yaabho koru ibheere m‑bhahöru bhakeere, amare abhaaru mbamariri ghoku.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

1 Abhatesaronike 4:16

Omutëmi omwene naghwika koru Mwishaaro. Naghosiikëra kwo riiraka ikoro, haghirohamu ne eriiraka re marayika omokoro ne eriiraka re ntaara e Ryobha. Niho bhano bhakuure bharamokumi Kirisito, mbakoryokibhu singa.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 14:13

Nekooghu eriiraka koru Mwishaaro, rerabhugha, “Andëka hangʼu, korwera ibheere, ngʼoni abhaato bhoose bhano bhakuure ino bharamokumi Omutëmi Yesu.” Ekamara Akörö e Ryobha ekabhugha, “Hee, m‑mahëënë! Bhatore koweera kurëngʼaana ne emeremo gheebho emiköngʼu, gho kubha mbakubhöna atuho kwo maköri ghaabho amachömu.”