1 Abhakorinto 15:1 - Eriiraghano Eriihë

¹ Ibheere, abhahiiri bhaane, nekobhahiiti Angʼana Anchömu ino ꞉niiraghiini ghokoonyu, na niinyu mokayesongʼaana. Iyo niyo ekobhaköra mwimeerere muköngʼiiri.

1 Abhakorinto 15:1 ပူးပေါင်းရင်းမြစ်များ

Yohana 12:48

Omooto wowoose uno akonyanga eni haghirohamu na amangʼana ghaane, naanyi na uno akuucha komotenera ekiina. Amangʼana ghano nebhughiri nigho ghakuucha komotenera ekiina orosiko ro ntenero.

Amaköri gha Bhatomu 11:1

Ibheere abhatomu bha Yesu na abhakumi abhande bha iyo Yuteya, bhakooghu kubha abhaato bha matöngö bhoose mbiisheriiri angʼana e Ryobha.

Amaköri gha Bhatomu 2:41

Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.

Abharuumi 11:20

Iyo m‑mahëënë. Ebhisaghe bhiyo ꞉mbeenunguru gho kubha bhataakumiri, na niiye noonyi mo‑bhisaghe bhe museyituuni gho kubha noghokumi. Gho ghiri iyo iköngʼi, otiihacha, amare otiine Eryobha.

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

1 Abhakorinto 16:13

Mutëngë, muköngʼëri mo‑bhokumi, wiiki mubhe abhasubhesubhe na mubhe na changuru.

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

1 Abhatesaronike 1:6

Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!