1 Abhakorinto 14:3 - Eriiraghano Eriihë

³ Amare uno akoruusi obhurööti, naghosiikëra na abhaato amangʼana gha kobhaköngʼëërëri mo‑bhokumi, gho kobhatoora omukörö na gho kobhaghambisani.

1 Abhakorinto 14:3 ပူးပေါင်းရင်းမြစ်များ

Ruuka 3:18

Kwo mangʼana ghayo maaru na ghande, Yohana naare arabhashaangʼi na kobhabhoorera abhaato bhayo, Angʼana Anchömu e Ryobha.

Amaköri gha Bhatomu 13:15

Hano bhamariri ghusöma amangʼana gha Meghiro ghe Musa na gha bhitabhu bhe bharööti, abhakoro bha risinaghooghi riyo bhaghatoma omooto o‑Bhawuro na Bharinaabha, akabhabhoorera akabhugha, “Abhahiiri bhiito, aribha moonyi na angʼana e kobhabhoorera na kobhatoora omukörö abhaato bhano, muuche mosiikëra.”

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Amaköri gha Bhatomu 15:32

Yuuta na Siira bhombe m‑bharööti ꞉bhaare, gho ghayo, bhakabhabhoorera Abhakirisito bhayo amangʼana maaru gha kobhatoora omukörö, mbagha bhaghaköngʼëri.

Amaköri gha Bhatomu 4:36

Gho ghetuubhaani naare‑ho Omuraawi umu eriina reeche Yusubhu, omwibhoru o se e Kiibhuro, uno abhatomu bha Yesu bhamoheere eriina re Bharinaabha, egheteemoro keeche Uno Aghotoora Omukörö.

Amaköri gha Bhatomu 9:31

Mbe, chaasiko chiyo, abhaato bha mo‑kanisa haghiro hoose ha Yuteya, na Ghariraaya, na Samaariya bhaakabha no omurëmbë. Abhaato bhayo bhakabhöna changuru na ghotooru omukörö na Akörö Ahörëëru. Bhaakabha bharamosooka Omutëmi, ne ekirëngërë ke bhano ꞉bhaakumiri ghëkëëngëra chwee.

Abharuumi 12:8

Omooto uno ahaabhuru ekihaano ghe ghughambisani bhaghëndi bhaache, akörë hangʼu. Omooto uno ahaabhuru ekihaano ghe ghusambaarukera abhaato, abhasambaarukere kwo mukörö mwero. Omooto uno ahaabhuru ekihaano ghe ghukangata, akangate gho ghwiköngʼi chwee. Wiiki omooto uno ahaabhuru ekihaano ke bheghongi, abharigheri ebheghongi abhaato gho ghuchömëru.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 15:2

Omooto woose ghate yiito, iköngʼi ghuköra ghano ghakomotegheri omokumi omughëndi waache, kwo mangʼana amachömu, kubha obhokumi bho uno ataamara aköngʼëri bhuköngʼë.

1 Abhakorinto 10:23

Abhaato abhande ghate yaanyu mbakobhugha kubha, “Ntwishereriiru ghuköra ebheghiro bhyose bhino tookwënda.” Amare eni nebhugha kubha, taanyi bhyose bhino bheenyi no obhwëra ghokwito. Nangabha mokobhugha kubha, “Ntwishereriiru ghuköra ebheghiro bhyose bhino tookwënda.” Amare eni nekobhugha kubha, taanyi ebheghiro bhyose bhino bheghusakeri obhokumi bhwito bhuköngʼëri.

1 Abhakorinto 14:12

Hangʼu keenyi na ghokoonyu. Ibheere, gho kubha mokwënda chwee kubha ne ebhihaano bhe Körö Ahörëëru, mwiköngʼi chwee ghutabhara ebhihaano bhino bheghusakeri abhakumi bhaköngʼëri mo‑bhokumi.

1 Abhakorinto 14:17

M‑mahëënë ghokoocho nokoriitabheri Eryobha bhoheene, amare owonde ghwitabheri koocho ghotaakomusakeri ghuköngʼëri mo‑bhokumi.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

1 Abhakorinto 14:31

Gho nchëra iyo, omooto woose nakubhöna omweya o ghosiikëra, kubha abhaato bhoose bhatore kwegha na ghotooru omukörö.

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

2 Abhakorinto 1:4

Iryo ndeghotughambisani itu mo‑nyaako yiito yoose. Gho nchëra iyo, itu ntoghotora kobhaghambisani abhande bhano bhaanyi mo‑nyaako e manga maaru, kinya bhuno toghughambisanibhu ne Eryobha.

2 Abhakorinto 2:7

Ibheere mokwëndëru komwabhëra na komughambisani omooto uyo, kubha ataacha kubha na amacheeche koheta ekirëngërë, aku omukörö.

Abhaebheeso 4:29

Emenu gheenyu ghetasiikëra amangʼana amabhe, amare ghesiikërë amangʼana amachömu ghano ghaghusakeri abhaato abhande, kubha ghabhahë aghareeya bhano bhaghoghooghu.

Abhaebheeso 6:22

ˆNekamotoma bhowaanyu, kubha abhahë amangʼana ghiito na ghuköngʼi emetema gheenyu.

Abhakorosaayi 4:8

ˆNekamotoma bhowaanyu, kubha abhahë amangʼana ghiito na ghuköngʼi emetema gheenyu.

1 Abhatesaronike 2:11

Wiiki mweche kubha eriibhagha hano toore bhowaanyu ntoore torabhakörëra bhoose kinya bhuno taata ahabhakörëra abhaana bhaache. Ntoore torabhatoora omukörö na kobhakumeereri,

1 Abhatesaronike 2:3

Mbe, amangʼana ghano toghokumereri ghokoonyu ghataanyi gha bhobhiihi, hamu gha körö imbe, koru tötëëndiri kobhangʼiina.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 4:18

Ibheere mubhe morighambisani kwo mangʼana ghayo.

2 Abhatesaronike 3:12

Abhaato bhayo tokabharaghereri na kobhashaangʼi kwo bhukangati bho Mutëmi Yesu Kirisito kubha, bhabhe bharaköra emeremo gho sooko, na kwibhönëra ebhiinyakurë bheebho abheene.

1 Timotewo 1:4

Obhashaangʼi bhatighe ghotereera amaghano gha kare ghano ghataanyi no obhwëra bhobhoose, na kwinyaaki gho kwarura amariina gha bhasookoro ghano ghataanyi ne ekirëngërë. Amangʼana ghayo ghoose ngaghughëri obhushangʼaani obhwene, ghataaghusakeri abhaato korekumi Eryobha. Na korekumi Eryobha niyo anchëra yaache e kobhatingori abhaato.

1 Timotewo 4:13

Wiköngʼi ghusömëra abhaato Amandëkö Amatööbhiyu, wiiki uraghani na kweghi, mbagha hano nekuucha iyo.

1 Timotewo 6:2

Aribha mbaanyi‑ho abhasësë bhano abhantomonkoro bhaabho n‑abhakumi abhaghëndi bhaabho, iyo etabha eghitaamereri ke bhasësë kobhataraaha. Mbakwëndëru kobhahökëri bhoheene na ghokera hayo, gho kubha mbaakubha bharabhatoori abhakumi abhaghëndi bhaabho, wiiki m‑bhasiighani bhaabho. Ghayo ogheeghi na ghoghatöngëra.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Tiito 1:9

Abhe araghööta bhoheene angʼana e bhuhëënë ighoro e Yesu Kirisito, kinya eghuru. Hayo niho aghotora ghuköngʼi abhaato mo‑meeghi gha bhuhëënë, na ghokinda bhano bhakwanga ameeghi ghayo.

Tiito 2:15

Mbe, ubhe oreeghi amangʼana ghayo ghoose. Wishereriiru kobhaköngʼi na kobhatöngëra abhaato kwo bhotoro bhoose. Gho ghayo, omooto wowoose ataghutaraaha.

Tiito 2:6

Koru abhabhureni, obhatöngërë bhabhe ne ekirëngërë.

Tiito 2:9

Wiiki abhasësë, obhabhoorere kubha bhasooke abhantomonkoro bhaabho, bhabhategheri mo‑mangʼana ghoose, bhatashangʼaana nabho.

Abheebhuraaniya 10:25

Totatigha chaasughara chiito che ghutëmëërana haghirohamu kwo masabhi kinya bhuno abhaato abhande bhaghuköra. Amare twëndërërë ghotoorana omukörö itu bheene kwo bheene ghokera bhuno toore toraköra, gho kubha ntweche kubha orosiko ro ghugharuka kwo Mutëmi ˆroghatingʼi.

Abheebhuraaniya 13:22

Inyu abhahiiri bhaane, ˆnekabhasasaama chwee mughöötë amangʼana ghano nebherekeriiri, gho kubha nebhaandëkiire kwo bhoghuhe.

Abheebhuraaniya 3:13

Amare mtöngërane inyu bheene kwo bheene kira rosiko runo rokobherekeru kubha “Reero,” kubha ataacha kubhönëka omooto wowoose ghateghate yaanyu uno akongʼiinu na amasari na kwanga komokumi Waryobha.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

Yuuta 1:20

Amare inyu abhasiighani bhaane, muköngʼëri mo‑bhuhëënë bho bhokumi bhoonyu bhuno bhoonyi obhutööbhiyu chwee, na mubhe morasabha kwo bhotoro bho Körö Ahörëëru.