1 Abhakorinto 14:22 - Eriiraghano Eriihë

²² Ghughamba ebhighambo ebhihë n‑ekingʼöchö ghe changuru che Ryobha ighoro e bhaato bhano bhataaghokumi, taanyi ekingʼöchö ighoro e bhakumi. Amare obhurööti mbokoruusibhu gho ghiri e bhakumi, taanyi gho ghiri e bhaato bhano bhataaghokumi.

1 Abhakorinto 14:22 ပူးပေါင်းရင်းမြစ်များ

Maariko 16:17

Abhaato bhano bhamokumiri, mbaghuköra ebhyërëkërëri bhino, mbaakubha bhararuusi emisambu mo‑bhaato kwo riina reene na ghosiikëra gho ghighambo ekihë,

Ruuka 12:46

Mbe, omutëmi waache uyo naghugharuka orosiko ne eriibhagha rino atitëngʼiire. Niho omutëmi wuure akomurööna na komutëma anchagho inkoro na komurëkëra hano abhaato bhano bhataaghokumi bhaanyi.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Timotewo 1:9

Wiiki, ntokwëndëru kumënya kubha emeghiro ghetatooruru gho ghiri e bhaato abhahëënë, amare n‑kwo bhano bhaghusari emeghiro na kwo bhano bhataanyi na asooko, na kwo bhano bhataakorekumi Eryobha na abhaköri bha masari, na kwo bhano bhataanyi no omukörö mwero na kwo bhaghonchu, na kwo bhano bhaghwita bhiishe na bhaanyina na kwo bhiiti bha bhaato,