1 Abhakorinto 14:20 - Eriiraghano Eriihë

²⁰ Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 14:20 ပူးပေါင်းရင်းမြစ်များ

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Mataayo 18:3

akabhabhoorera akabhugha, “Mahëënë ˆnekabhabhoorera, aribha motaaghwigharura na kubha kinya abhaana abhasuuhu, motaaghusöha mo‑bhutëmi bho Mwishaaro.

Mataayo 19:14

Amare Yesu akabhabhoorera akabhugha, “Mobhatighe abhaana abhasuuhu bhaache ghokoone, motabharëki, gho kubha obhutëmi bho Mwishaaro m‑bho bhaato bhano bhaanyi kinya abhaana bhano.”

Mataayo 19:4

Yesu akabhagharokeri akabhugha, “Kana, mokeere motaamara musöma mo‑Mandëkö Amatööbhiyu kubha korwera simoka, ‘Eryobha ꞉ndeebhabhombiri omosubhe no omukari?’

Maariko 10:15

Mahëënë ˆnekabhabhoorera kubha, wowoose uno ataaghosongʼaana obhutëmi bho Ryobha kinya omoona omosuuhu, taaghotora ghusöha mo‑bhutëmi bho Ryobha naabha.”

Ruuka 18:17

Mahëënë ˆnekabhabhoorera kubha, omooto wowoose uno ataakobhwishereri obhutëmi bho Ryobha kinya omoona omosuuhu, taaghusöha‑mu naabha.”

Abharuumi 1:13

Abhahiiri bhaane, nekwënda mumënyë kubha, mara kaaru neere nërëënda kuucha bhowaanyu, amare mbagha ibheere nihööchëriiru. Nekwënda niiche bhowaanyu, kubha nerute abhaato bha bhowaanyu hayo bhatambane Omutëmi Yesu, kinya bhuno ꞉niiköriri kwo bhaato abhande bha matöngö.

Abharuumi 16:19

Abhaato bhoose mbooghwire kebhuno mokomosooka Omutëmi Yesu. Angʼana iyo neghontegheri chwee. Koru hangʼu, nekwënda mubhe na amangʼiini chwee gho ghuköra amangʼana amachömu, na motabha ni isörö ryoryose gho ghuköra amabhe.

1 Abhakorinto 13:11

Eriibhagha neere omoona, neere nerasiikëra gha keena, na kwihëëbha gha keena, na ghwituuri gha keena. Amare ibheere, gha keena neghatighiri, gho kubha nimariri kubha montomonkoro.

1 Abhakorinto 14:19

amare mo‑riikanisa nesiighiri chwee ghosiikëra kwo bhongo amangʼana ataano ghano ghakumënyu kubha nebheeghi abhande. Riyo niryo ichömu bhobhe ghokera ghosiikëra amangʼana ebheku ikomi (10,000) mo‑ghighambo ekende.

1 Abhakorinto 2:6

Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

Abhaebheeso 4:13

Emeremo ghiyo ngekwëndërëra mbagha itu bhoose tohikere kubha bhamu mo‑bhokumi na komumënya bhoheene Omoona o Ryobha, tubhe abhaato bhano tuköngʼiri gho kohikera ekirëngërë ke bhohikeerani bho Kirisito.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

Abhabhiribhi 3:15

Gho ghayo, itu bhoose bhano tuköngʼiiri kimu kimu mo‑bhokumi ntokwëndëru ghwisherererani kwo mangʼana ghano. Aribha mokwihëëbha obhonde kwo ngʼana yoyoose yiire, Eryobha niryo rekobhahunyurera moghamënyë kinya ghaanyi.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.