1 Abhakorinto 14:12 - Eriiraghano Eriihë

¹² Hangʼu keenyi na ghokoonyu. Ibheere, gho kubha mokwënda chwee kubha ne ebhihaano bhe Körö Ahörëëru, mwiköngʼi chwee ghutabhara ebhihaano bhino bheghusakeri abhakumi bhaköngʼëri mo‑bhokumi.

1 Abhakorinto 14:12 ပူးပေါင်းရင်းမြစ်များ

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

1 Abhakorinto 12:31

Mbe, mwiköngʼi kubhöna ebhihaano bhekoro. Amare ibheere nekwënda nëbhëërëki anchëra anchömu koheta choose.

1 Abhakorinto 12:7

Mbe, omooto woose nahahaabhu obhohunyurëru bho Körö kwo bhwëra bho bhaato bhoose.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Abhakorinto 14:13

Gho ghayo, omooto uno aghosiikëra eghighambo ekihë, asabhe Eryobha kubha remusakeri ghugharura kino aghosiikëra.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

1 Abhakorinto 14:5

Eni nekwënda inyu bhoose mubhe morasiikëra ebhighambo ebhihë, amare ahanene nekwënda mubhe moraruusi obhurööti. Neghosiikëra hangʼu, gho kubha koruusi obhurööti nkoonyi no obhwëra chwee mo‑bhakumi, ghokera ghughamba ebhighambo ebhihë, aribha taanyi‑ho uno aghugharura ebhighambo bhiyo. Mbe, uno aghosiikëra ebhighambo ebhihë agharure kubha atoori abhakumi abhande bhaköngʼëri mo‑bhokumi.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.