1 Abhakorinto 14:1 - Eriiraghano Eriihë

¹ Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Abhakorinto 14:1 ပူးပေါင်းရင်းမြစ်များ

Abharuumi 12:6

Gho ghayo, ntoonyi ne ebhihaano haghare haghare, kinya bhuno Eryobha ꞉reetoheere gho ghareeya yaache. Omooto uno ahaabhuru ekihaano ghe koruusi obhurööti, ahökëri ekihaano kiyo kurëngʼaana no obhokumi bhooche.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 9:30

Mbe, tobhughe ke ibheere ighoro e mangʼana ghayo? Abhaato bha matöngö bhatiiköngʼiri ghutabhara kubhareru kubha no obhuhëënë ambërë e Ryobha, amare Eryobha ndebhabhariire kubha mbaanyi no obhuhëënë gho nchëra e komokumi Kirisito.

1 Abhakorinto 12:1

Ibheere abhahiiri bhaane, ˆneghasiikëra ighoro e bhihaano bhino bheekoru mo‑Körö Ahörëëru, gho kubha nekwënda mobhimënyë bhoheene.

1 Abhakorinto 12:31

Mbe, mwiköngʼi kubhöna ebhihaano bhekoro. Amare ibheere nekwënda nëbhëërëki anchëra anchömu koheta choose.

1 Abhakorinto 13:13

Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

1 Abhakorinto 13:2

Koru wiiki nengabheere neraruusi obhurööti na kumënya ebhebhisere bhyose na kubha no obhumënyi bhoose, koru nengabheere no obhokumi bho ghotora ghusaami ebheghoro, amare aribha ntighöötë obhosiighi, eni nteenyi egheghiro.

1 Abhakorinto 14:22

Ghughamba ebhighambo ebhihë n‑ekingʼöchö ghe changuru che Ryobha ighoro e bhaato bhano bhataaghokumi, taanyi ekingʼöchö ighoro e bhakumi. Amare obhurööti mbokoruusibhu gho ghiri e bhakumi, taanyi gho ghiri e bhaato bhano bhataaghokumi.

1 Abhakorinto 14:37

Aribha omooto akwirighi kubha naanyi ne ekihaano ghe koruusi obhurööti, hamu kubha naanyi ne ekihaano ekende ghe Körö Ahörëëru, amënyë kubha, ghano ˆnekabhaandëkëra, n‑amaraghereri koru kwo Mutëmi.

1 Abhakorinto 14:39

Gho ghayo, abhahiiri bhaane, mwiköngʼi kubha moraruusi obhurööti, wiiki motabha moramurëki omooto ghosiikëra ebhighambo ebhihë.

1 Abhakorinto 16:14

Amangʼana ghaanyu ghoose mubhe moraköra kwo bhosiighi.

Abhaebheeso 1:3

Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

1 Abhatesaronike 5:20

Wiiki motabhutaraaha obhurööti,

1 Timotewo 4:14

Otatigha kuhökëri ekihaano kino Eryobha rekoheere, na amangʼana gha bharööti ngakuhëënëhi ghayo hano abhagharuka bha riikanisa bhaghotooriire amabhökö.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

2 Timotewo 2:22

Ungʼösë amiigha gha bhobhureni, wiköngʼi ghutambana ghano Eryobha rekwënda, ubhe no obhokumi, no obhosiighi no omurëmbë. Ughöötërërë ghayo, haghirohamu na bhoose bhano bhakomusabha Omutëmi kwo mukörö mwero.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.