1 Abhakorinto 13:7 - Eriiraghano Eriihë

⁷ Obhosiighi mbokomuköra abhe moghumereri mo‑ghoose, abhe no obhokumi eriibhagha ryose, abhe na amiitëngʼërö eriibhagha ryose, wiiki abhe araghumereri mo‑ghoose.

1 Abhakorinto 13:7 ပူးပေါင်းရင်းမြစ်များ

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Maariko 9:23

Yesu akamugharokeri akabhugha, “Ngwake okobhugha kubha, ‘Aribha oghotora’? Ghoose ngaakubha kwo mooto uno akorekumi Eryobha.”

Abharuumi 15:1

Mbe, itu bhano tuköngʼiiri mo‑bhokumi bhwito, ntokwëndëru ghoghumereri abhaghëndi bhiito bhano bhataamara bhaköngʼëri mo‑bhokumi bhoobho. Tobhasakëri mo‑bhutöbhu bhoobho, na totaköra amangʼana ghano ghaghotuchömëri itu bheene.

Abharuumi 8:24

Eriitëngʼërö riyo, ntoonyi naryo korwera hano Eryobha retotooriri. Amare aribha toghwitëngʼëra egheghiro kino toghotora ghokerighi, riyo taanyi eriitëngʼërö. Kana, n‑niwe aghwitëngʼëra kuhaabhu egheghiro kino anyi nakyo?

1 Abhakorinto 13:4

Obhosiighi mbokomuköra omooto abhe no obhoghumereri, na abhe omuhöriicho, na atabha ne eriihari, na atabha no obhwihachi, wiiki atabha no omutu muköngʼu.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.

2 Timotewo 2:24

Wiiki, teekwëndëru omutamishi o Mutëmi kubha omurööni. Amare abhe moghumereri, no omuhörëëru mo‑bhaato bhoose, no omooto uno eche kweghi.

2 Timotewo 3:11

no obhosiighi bhoone no oghwiköngʼëërëri koone. Weeche kebhuno abhaato bhanyirighwiri na kunyaaki, hano neere mo‑meghya ghe Antiyokiya, na Ikoniyo, na Risitura. ꞉Neeghumeriiri amaköngʼu ghoose, no Omutëmi aghantoori mo‑ghayo ghoose.

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

Abheebhuraaniya 13:13

Mbe, na niitu ntomutambane anche e kehita kiyo na ghoghumereri chaasoni kinya bhuno iwe aghumeriiri.

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.