1 Abhakorinto 13:5 - Eriiraghano Eriihë

⁵ Obhosiighi mbokomuköra omooto abhe arabhasooka abhande, na atabha ariihëëbhëra amangʼana ghaache agheene, hamu ghukarara bhwango, hamu ghotoora amangʼana amabhe ghano omooto aghuköriire mo‑motema waacho.

1 Abhakorinto 13:5 ပူးပေါင်းရင်းမြစ်များ

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Mataayo 9:4

Amare Yesu naare eche ghoose ghano ꞉bhaare bhariihëëbha, akabhabhoori akabhugha, “Ngwake kana moghwituuri amabhe mo‑metema gheenyu?

Maariko 3:5

Yesu akabhoomeri amiisho bhoose gho ghukarara, akabha na amacheeche mo‑körö yaache ighoro e bhuköngʼu bho metema gheebho. Niho Yesu akamobhoorera omooto uyo akabhugha, “Ghöröröki okubhökö koocho.” Omooto uyo aghaghughöröröki, hayo hayo ghokahöra!

Ruuka 7:39

Omubharisaayo uyo, hano arooche ghayo, akiihëëbha mo‑metema waache akabhugha, “Omooto uno, nangabheere murööti are, nangamanyiri kubha, omukari uno akomughöötaghööta, n‑omooto o ngabhu. Nangamënyiri kubha, iwe n‑omooto o masari, omusöngörëëri!”

1 Abhakorinto 10:24

Omooto atatereera ghano ghakomusakeri iwe omwene hangʼu, amare atereere na ghano ghaghusakeri abhaghëndi bhaache.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 11:18

Nyoghwire kubha, hano moghwikomana kinya eriikanisa, motaanyi no obhoghwani ghate yaanyu. Na neeni neghokumi hasuuhu kubha, hangʼu keenyi.

1 Abhakorinto 12:25

kubha omobhere otataana, amare ebhyemo bhyose bhetoorani bhoheene.

1 Abhakorinto 7:36

Omooto wowoose uno akorighi kubha taanyi bhoheene atighe komokwira omuukë uno arwachiire obhuku, wiiki aribha aghokindu na amiigha gha mobhere, wiiki nakorighi kubha nekwëndëru bhakwirane, akörë kinya bhuno akwënda. Hayo taakubha aköriri eriisari.

2 Abhakorinto 5:19

Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

2 Abhatesaronike 3:7

Ntokobhugha hangʼu gho kubha, inyu bheene mweche bhuure mokwëndëru kwegha eghetuubhaani kiito. Hano itu toore haghirohamu na niinyu totaare bhatöbhu,

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

2 Timotewo 4:16

Hano neere ndiitachura mwibharacha e kimbërë, taare‑ho koru umu uno ꞉imeeriire eribhaara reene, bhoose bhaghantigha. Neghusabha Eryobha retighe kobhabharera eriisari riyo.

Yakobho 1:19

Abhahiiri bhaane abhasiighani, muntëghëërërë bhoheene! Omooto woose abhe mwango o ghutëghëërëra, amare atabha mwango o ghosiikëra hamu ghukarara,