1 Abhakorinto 13:4 - Eriiraghano Eriihë

⁴ Obhosiighi mbokomuköra omooto abhe no obhoghumereri, na abhe omuhöriicho, na atabha ne eriihari, na atabha no obhwihachi, wiiki atabha no omutu muköngʼu.

1 Abhakorinto 13:4 ပူးပေါင်းရင်းမြစ်များ

Mataayo 27:18

Bhiraato ꞉naabhabhooriri hangʼu gho kubha ꞉naamënyiri kubha abhakangati bha Bhayahuuti ꞉mbaamurëëtiri Yesu ghokooche gho ghiri e riihari.

Amaköri gha Bhatomu 7:9

“Mbe, Bhasookoro bhiito bhayo, bhakamorigheri eriihari ömööbhö uno are arabherekeru Yusubhu, bhakamoghori abhe omusësë mo‑se e Miisiri. Amare Eryobha reekabha haghirohamu nawe.

Abharuumi 1:29

Mbiichwire amasari gha manga maaru, mbaghuköra amabhe haghare haghare, wiiki m‑bhiighombi bha bheghiro, na mbaanyi ne eriihari. Mbasiighiri eriihë, obhwiti no obhokobhooshani. Mbaghosiikëra obhuröngö na mbaanyi no omukörö mobhe. M‑bhari bha bhaato,

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

1 Abhakorinto 4:18

Ibheere abhande ghate yaanyu mbakwihacha, gho kubha mbaghwituuri kubha, nteekuucha wiiki iyo bhowaanyu.

1 Abhakorinto 4:6

Abhahiiri bhaane, nebhughiri amangʼana ghayo ghoose ighoro yaane na Abhooro, kubha tubhe eghetuubhaani gho ghiri yaanyu. Kurëngʼaana ne eghetuubhaani kiyo, mumënyë ghano ghaghughambu mo‑kirëngi kino, “Motakera ghano ghaandëkuru mo‑Mandëkö Amatööbhiyu.” Aribha moraghööta ekirëngi kiyo, taakubha‑ho omooto wowoose uno akwihachera omooto umu na komutaraaha owonde.

1 Abhakorinto 5:2

Ngwake inyu mokwihacha? Ngʼoni mongitumatiri na komoruusi omooto uno aghuköra ghayo ghate yaanyu!

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Abhagharatiya 5:26

Totiihacha bhoowa, totanaahana koru korigherani eriihari.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhabhiribhi 1:15

M‑mahëënë kubha, mbaanyi‑ho abhande bhano bhakuraghani Angʼana e Kirisito kwo riihari na kwo mareghe. Koru hangʼu, mbaanyi‑ho abhande bhano bhakuraghani kwo mukörö muchömu.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

1 Timotewo 6:4

Bhayo mbiichwire obhwihachi, wiiki bhateeche ghyokyose. Abhaato bhayo mbahoomera erihakaana rino retaanyi no obhwëra ighoro e mangʼana amasuuhusuuhu. Amangʼana ghayo nigho ghakurëëta eriihari, no obhurööni, na amatoki, na amiihëëbhö amabhe,

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Yakobho 4:5

Mbe! Motiituuri kubha yandëkuru bhoowa mo‑Mandëkö Amatööbhiyu kubha, “Akörö ino Eryobha retoheere neghotwighomba chwee.”

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

1 Yohana 4:11

Abhasiighani bhaane, aribha Eryobha ndetosiighiri itu hangʼu, nekwëndëru na niitu tosiighane.