1 Abhakorinto 13:2 - Eriiraghano Eriihë

² Koru wiiki nengabheere neraruusi obhurööti na kumënya ebhebhisere bhyose na kubha no obhumënyi bhoose, koru nengabheere no obhokumi bho ghotora ghusaami ebheghoro, amare aribha ntighöötë obhosiighi, eni nteenyi egheghiro.

1 Abhakorinto 13:2 ပူးပေါင်းရင်းမြစ်များ

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Mataayo 17:20

Nawe akabhagharokeri akabhugha, “Gho ghiri e bhokumi bhoonyu kubha bhosuuhu. Mahëënë ˆnekabhabhoorera, aribha moonyi no obhokumi bhoongʼana kinya akahëkë ka harataari, moghokebhoorera egheghoro kino kubha, ‘Nooru hano, ughëndë haare,’ kyose ngeeghuye. Gho ghayo, ghetaanyi‑ho egheghiro kino kengabhataamiri. [

Mataayo 21:19

Niho akarighi omote umu uno okobherekeru omotiini rubhareka mo‑nchëra, aghiishuka haghuhe, akabhöna otaanyi ni ikorobhese ryoryose, onyi na amato agheene chiri. Niho akawobhoorera omote uyo akabhugha, “Korwera reero otasönga amakorobhese wiiki!” Hayo hayo, omote uyo okanyaara.

Mataayo 21:21

Yesu akabhagharokeri arabhugha, “Mahëënë ˆnekabhabhoorera, aribha moonyi no obhokumi ino motaanyi na ahaho, na niinyu moghotora ghoghaköra kinya ghano niköriri mo‑mote uno. Wiiki motaaghuköra ghano agheene hangʼu, koru aribha morabhoorera egheghoro kino, ‘Iheka na kwirëkëra mo‑nyancha,’ nagho ngaghuköru.

Amaköri gha Bhatomu 13:1

Mo‑bhaato bha riikanisa re mo‑moghya o Antiyokiya mbaare‑ho abharööti na abheeghi. Abhaato bhayo nibho bhano, Bharinaabha, na Simiyooni (uno akobherekeru Nigheeri, egheteemoro keeche omooto omwirabhuru), na Rukiyo koru Kireene, na Manaeni (uno are areruru haghirohamu no omutëmi Herote Antibha), na Sawuri.

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

1 Abhakorinto 11:4

Gho ghayo, omosubhe wowoose omokumi uno aghokundekeri omutu eriibhagha aghusabha, hamu eriibhagha akoruusi obhurööti, uyo nakomosooki Kirisito, uno anyi omutu waache.

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 13:1

Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

1 Abhakorinto 13:3

Wiiki neraruusi obhwame bhoone bhoose na kobhaha abhahabhe, na koru neraruusi omobhere waane kubha weekibhu mo‑mororo, amare aribha ntighöötë obhosiighi, nteekubhöna egheghiro ghyokyose.

1 Abhakorinto 13:8

Obhosiighi bhotaghöötë antenero naabha! Amare obhurööti, na ghughamba ebhighambo ebhihë, na kubha no obhumënyi, ebhihaano bhiyo bhyose mbeenyi na antenero.

1 Abhakorinto 14:29

Ighoro e bhano bhakoruusi obhurööti, bhasiikërë bhabhere hamu bhatato, na abhande bhaghisunche amangʼana ghaabho.

1 Abhakorinto 14:39

Gho ghayo, abhahiiri bhaane, mwiköngʼi kubha moraruusi obhurööti, wiiki motabha moramurëki omooto ghosiikëra ebhighambo ebhihë.

1 Abhakorinto 14:4

Uno aghosiikëra eghighambo ekihë, naghwiköngʼi omwene mo‑bhokumi, amare uno akoruusi obhurööti nakobhaköngʼi abhakumi, niryo eriikanisa.

1 Abhakorinto 15:51

Mutëghëërërë, ˆnekabhabhoorera ekebhisere kubha, itu totaaghoku bhoose, amare bhoose ntoghwigharura.

1 Abhakorinto 16:22

Omooto wowoose uno atamosiighiri Omutëmi Yesu, niihiimuru. Omutëmi wiito nuuche!

1 Abhakorinto 4:1

Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

1 Abhakorinto 7:19

Ghusaaru hamu ghotigha ghusaaru ghotaanyi no obhwëra. Egheghiro kino keenyi no obhwëra n‑ghughööta emeghiro ghe Ryobha.

1 Abhakorinto 8:4

Ibheere ighoro e kurë ebhiinyakurë bhino bheruusiibhu amaruusi mo‑chasanaamu, ntweche kubha chasanaamu chino cheghusëngëru, taanyi egheghiro mo‑se muno. Wiiki ntweche kubha ndeenyi‑ho Eryobha rimu hangʼu.

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

Abhagharatiya 5:16

Mbe, kino nekobhabhoorera n‑kubha, eriimanya reenyu rikangatu na Akörö Ahörëëru. Moraköra hangʼu, motaaghutambana wiiki amiigha ghaanyu amabhe.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.

Abhaebheeso 3:4

Gho ghayo, moraghasöma amangʼana ghayo, moghotora kumënya bhuno nimënyiri amangʼana ghano ꞉ghaare ghabhisuru ighoro e Kirisito.

Abhaebheeso 6:19

Mubhe moransabhera na neeni kubha, Eryobha ribhe reraaha amangʼana gha ghosiikëra, hano neekubha neraraghani ighoro e Yesu Kirisito, kubha nibhe neraraghani kwo bhosubhesubhe obhuhëënë bhuno Eryobha rehunywire mo‑Ngʼana Anchömu.

Abhakorosaayi 1:26

Angʼana iyo n‑ekebhisere kino ꞉keebhisuru korwera kare na gho chanyiibhoro choose. Amare ibheere Eryobha ndebhahunyuriire abhaato bhaache abhatööbhiyu.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Yohana 4:8

Amare wowoose uno atasiighiri mughëndi waache, taryeche Eryobha, gho kubha Eryobha n‑obhosiighi.