1 Abhakorinto 13:13 - Eriiraghano Eriihë

¹³ Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

1 Abhakorinto 13:13 ပူးပေါင်းရင်းမြစ်များ

Ruuka 10:27

Akamugharokeri akabhugha, “Ngyandëkuru kubha, ‘Omosiighe Omutëmi, Waryobha waacho, gho körö yaacho yoose, na kwo riimanya reecho ryose, na gho changuru cheecho choose, na kwo bhongo bhoocho bhoose.’ Wiiki, ‘Omosiighe omwatani waacho, kinya bhuno wisiighiri iye omwene.’”

Ruuka 22:32

Amare, neghusabhiire kwo Waryobha, kubha otakindu mo‑bhokumi bhoocho. Na hano okubha ungarökiire, obhatoore changuru abhaghëndi bhaacho.”

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Abhakorinto 16:14

Amangʼana ghaanyu ghoose mubhe moraköra kwo bhosiighi.

1 Abhakorinto 3:14

Erabha emeremo ghe mooto gherasaagha, omooto uyo naghosongʼaana atuho.

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

1 Abhakorinto 8:3

Amare omooto uno aresiighiri Eryobha, uyo niwe akumënyu ne Eryobha eryene.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

Abhakorosaayi 3:14

Ghokera ghayo ghoose mosiighane, gho kubha, obhosiighi nibho bhokobhaghöötani inyu mo‑bhumu bhuno bhohikeriine.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 5:8

Amare itu, gho kubha ntoonyi abhaato bha mwishe, tubhe ne ekirëngërë. Tubhe no obhokumi no obhosiighi, bhiyo mbeekubha kinya angubha mo‑ghekubha. Wiiki toriitëngʼërë Eryobha ghototoori, niho tookubha kinya tobheekiri eriihima re kyoma a‑mutu.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

2 Timotewo 1:7

Köra hangʼu, gho kubha Akörö ino Eryobha retoheere teenyi e bhotiini, amare neghotuha changuru, no obhosiighi ne ekirëngërë.

Abheebhuraaniya 10:35

Gho ghayo, mwëndërërë kubha no obhosubhesubhe bhuyo, gho nchëra iyo moghosongʼaana atuho inkoro chwee koru kwo Waryobha.

Abheebhuraaniya 10:39

Amare totaanyi kinya abhaato bhano bhaghotigha koritambana Eryobha, bhano bhabhoriri. Amare ntoonyi haghirohamu na bhaare bhakorekumi. Gho nchëra iyo, ntotooriibhu.

Abheebhuraaniya 6:11

Neghwighomba chwee kubha, omooto woose iköngʼi ghuköra amangʼana ghayo mbagha mo‑ntenero kubha moghasongʼaane ghaare ghoose moghwitëngʼëra.

Abheebhuraaniya 6:19

Ntoonyi ne eriitëngʼërö mo‑metema ghiito, rino reenyi kinya ananga, ino ehaaghöötërëra ameeri etahiru no obhukama. Amiitëngʼërö ghayo ꞉ngaasöhiri Ahatööbhiyu ha Hatööbhiyu iyo Mwishaaro gho kohetera hano omwando ore oteniini.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Yohana 2:10

Ibheere wowoose uno asiighiri mughëndi waache, namanyiri mo‑bhwero. Ghetaanyi‑ho ghyokyose moose yaache kino gheghughëri akörë amasari.

1 Yohana 2:14

Nabhaandëkiire bhataata, gho kubha momweche Taata Waryobha uno are‑ho korwera simoka. Nabhaandëkiire abhabhureni, gho kubha moonyi na changuru, na mokwëndërëra ghughööta angʼana e Ryobha, na morekindiri Erishambu.

1 Yohana 2:24

Ibheere, mwëndërërë ghoghatoora mo‑metema gheenyu amangʼana ghano mweghuru korwera hano mokumiri Kirisito. Moraköra hangʼu, niho na niinyu mokwëndërëra kubha no obhumu no Omoona, na Taata Waryobha.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

1 Yohana 3:9

Wowoose uno abheere omoona o Ryobha, taakwëndërëra ghuköra amasari, gho kubha naanyi na tëëmö e Ryobha moose yaache. Taaghotora kwëndërëra ghuköra amasari gho kubha iwe n‑omoona o Ryobha.