1 Abhakorinto 13:12 - Eriiraghano Eriihë

¹² Kinya bhuno tookorighi ibheere, ntokorighi ebheghiro kinya bhekundekiiru ne eghetu, amare toramara ntokobherighi bhyose haheero. Ibheere nyeeche hasuuhu hangʼu, amare nekumara nimënyë ghoose bhoheene, kinya bhuno Eryobha reenyeche eni.

1 Abhakorinto 13:12 ပူးပေါင်းရင်းမြစ်များ

Mataayo 18:10

Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [

Mataayo 5:8

Ngʼoni bhano bhaanyi na akörö yeero, gho kubha mbakorerighi Eryobha.

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Abharuumi 8:18

Anyaako yiito e riibhagha rino ri ibheere, eni nekorighi kubha taanyi egheghiro, nerayirëngʼaani no obhokumi obhokoro bhuno Eryobha rekuucha kwërëki ghokwito kwo riibhagha rino rekuucha.

1 Abhakorinto 13:11

Eriibhagha neere omoona, neere nerasiikëra gha keena, na kwihëëbha gha keena, na ghwituuri gha keena. Amare ibheere, gha keena neghatighiri, gho kubha nimariri kubha montomonkoro.

1 Abhakorinto 8:3

Amare omooto uno aresiighiri Eryobha, uyo niwe akumënyu ne Eryobha eryene.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 5:7

Eriimanya riito hano mo‑se ntokumanya kwo bhokumi, taanyi gho korighi na amiisho.

Abhabhiribhi 3:12

Eni nteekobhugha nimariri kohika mo‑ntenero, hamu nimariri kubha mughöröröku, tiyaanyi, amare nekwëndërëra ghwiköngʼi nibhönë ghaare Kirisito Yesu amberekeriire.

Yakobho 1:23

Mbe, gho kubha omooto woose uno aghutëghëërëra angʼana yaache, amare ataköra kinya ekobhugha, uyo natubhiine kinya omooto uno akwimööhi obhosho bhooche mo‑kiröri.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

Obhohunyurëru 22:4

Mbakorighi obhosho bhooche, no omooto woose nakwandëku eriina re Ryobha mo‑bhosho bhooche.