1 Abhakorinto 13:1 - Eriiraghano Eriihë

¹ Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

1 Abhakorinto 13:1 ပူးပေါင်းရင်းမြစ်များ

Mataayo 25:45

Na eni nekobhagharokeri nebhughe, ‘Mahëënë ˆnekabhabhoorera, ghyokyose kino motaköriire umu mo‑bhakumi bhano bhakorighibhu bhataanyi no obhwëra, mbe, motanköriire na neeni.’

Maariko 16:17

Abhaato bhano bhamokumiri, mbaghuköra ebhyërëkërëri bhino, mbaakubha bhararuusi emisambu mo‑bhaato kwo riina reene na ghosiikëra gho ghighambo ekihë,

Abharuumi 14:15

Gho ghayo, aribha iye gho kurë ekiinyakurë nyarebhe ngoghughëri omokumi mughëndi waacho abhe na amacheeche mo‑motema waache, hayo nookubha otaanyi no obhosiighi kwo mughëndi waacho. Mbe, otiishereri kubha, gho nchëra e kiinyakurë keecho, omobhori omooto uno Kirisito akweriire!

1 Abhakorinto 12:10

no owonde ekihaano ghe ghuköra ebheroghooro, no owonde ekihaano ghe koruusi obhurööti. Akörö iyo iyo nekomuha owonde ekihaano ghe kumënya amangʼana ghano gharuure mo‑körö ambe hamu mo‑Körö Ahörëëru, owonde ekihaano ghe ghosiikëra eghighambo ekihë, owonde ekihaano ghe ghugharura ebhighambo bhiyo.

1 Abhakorinto 12:16

Oghotu koose nkongabhughiri kubha, “Eni taanyi eriiso, mbe, eni teenyi eribhaara re mobhere,” ibheere gho kobhugha hangʼu, m‑mahëënë oghotu ghotaakubha ekyemo ke mobhere?

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

1 Abhakorinto 13:8

Obhosiighi bhotaghöötë antenero naabha! Amare obhurööti, na ghughamba ebhighambo ebhihë, na kubha no obhumënyi, ebhihaano bhiyo bhyose mbeenyi na antenero.

1 Abhakorinto 14:2

Omooto uno aghosiikëra eghighambo ekihë, taaghosiikëra na abhaato, amare n‑Eryobha aghosiikëra naryo, gho kubha ghano aghosiikëra taanyi‑ho uno aghoghamënya. Iwe naakubha arasiikëra amangʼana gha kebhisere mo‑motema waache.

1 Abhakorinto 14:4

Uno aghosiikëra eghighambo ekihë, naghwiköngʼi omwene mo‑bhokumi, amare uno akoruusi obhurööti nakobhaköngʼi abhakumi, niryo eriikanisa.

1 Abhakorinto 14:5

Eni nekwënda inyu bhoose mubhe morasiikëra ebhighambo ebhihë, amare ahanene nekwënda mubhe moraruusi obhurööti. Neghosiikëra hangʼu, gho kubha koruusi obhurööti nkoonyi no obhwëra chwee mo‑bhakumi, ghokera ghughamba ebhighambo ebhihë, aribha taanyi‑ho uno aghugharura ebhighambo bhiyo. Mbe, uno aghosiikëra ebhighambo ebhihë agharure kubha atoori abhakumi abhande bhaköngʼëri mo‑bhokumi.

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

2 Abhakorinto 12:4

꞉niimokiibhu mbagha kohika iyo mo‑Chaasare. Iyo akooghu amangʼana gha koroghoori chwee ghano omooto ataaghotora ghosiikëra, wiiki taakurëngʼaanera ghoghasiikëra.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Obhohunyurëru 14:2

Nekooghu eriiraka koru Mwishaaro kinya eriiraka re manche maaru mo‑makörörömë, na kinya ekerighito ghekoro ke runanehi. Wiiki eriiraka rino nyoghwire ndeere kinya re bhatëmi bha matingo bhaaru, bhano bhatëmiri chantaara cheebho haghirohamu.