1 Abhakorinto 12:31 - Eriiraghano Eriihë

³¹ Mbe, mwiköngʼi kubhöna ebhihaano bhekoro. Amare ibheere nekwënda nëbhëërëki anchëra anchömu koheta choose.

1 Abhakorinto 12:31 ပူးပေါင်းရင်းမြစ်များ

Mataayo 5:6

Ngʼoni bhano bhaanyi na anchëra na anyööta e ghuköra ghano Eryobha rekwënda, gho kubha ndekobhiighoti.

Ruuka 10:42

Amare neenyi‑ho angʼana imu hangʼu ino ekwëndëru, wiiki n‑e hëënë ghokera ghoose. Mariyamu niyo ahwire, ghutëghëërëra angʼana yaane ino omooto wowoose ataaghotora komuhöka.”

1 Abhakorinto 13:1

Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Abhakorinto 14:39

Gho ghayo, abhahiiri bhaane, mwiköngʼi kubha moraruusi obhurööti, wiiki motabha moramurëki omooto ghosiikëra ebhighambo ebhihë.

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

Abheebhuraaniya 11:4

Obhokumi ꞉mbuuköriri Abheeri akareruuseri Eryobha amaruusi amachömu ghokera ghano Kaayini ꞉aruusiri. Kwo bhokumi bhuyo Eryobha ꞉ndeemubhariire Abheeri kubha omuhëënë gho ghosongʼaana amaruusi ghaache. Nangabha Abheeri akuure, amare obhokumi bhooche mbokwëndërëra kubha eghetuubhaani ghichömu ghokwito koru reero.